1. వార్తలు
  2. తెలుగు వార్తలు
  3. తెలుగు వార్తలు
  4. Former Andhra Pradesh CM Chandrababu Naidu arrested in Skill Development Scam

స్కిల్ కేసులో రిమాండ్ రిపోర్టులో చంద్రబాబు పేరు చేర్చిన సీఐడీ

chandrababu
గత తెలుగుదేశం ప్రభుత్వ హయాంలో స్కిల్ డెవలప్‌మెంట్ వ్యవహారంలో అవినీతి జరిగినట్టు ఆరోపించి ఏపీ సీఐడీ పోలీసులు.. కొద్దిసేపటి క్రితమే తెదేపా అధినేత చంద్రబాబు పేరును ఎఫ్ఐఆర్‌లో చేర్చింది. ఈ మేరకు ఏసీబీ కోర్టుకు సమర్పించిన రిమాండ్‌ రిపోర్టులో చంద్రబాబుతో పాటు తెదేపా రాష్ట్ర అధ్యక్షుడు అచ్చెన్నాయుడు పేరును చేర్చింది. 2021లో పేర్కొన్న ఎఫ్‌ఐఆర్‌లో చంద్రబాబు పేరు లేదు.. తాజాగా ఇప్పుడు చేర్చడం గమనార్హం. సీఐడీ డీఎస్పీ ధనుంజయుడు పేరుపై రిమాండ్‌ రిపోర్టును కోర్టుకు సమర్పించారు. ఆ తర్వాత ఓపెన్‌ కోర్టులో వాదనలు వినాలని తెదేపా లీగల్‌ టీమ్‌ విజ్ఞప్తి చేయగా.. దీనికి న్యాయమూర్తి అంగీకరించారు. మరోవైపు ఏసీబీ కోర్టు వద్ద భారీగా పోలీసులు మోహరించారు. కోర్టు పరిసరాలను తమ ఆధీనంలోకి తీసుకున్నారు. 
 
మరోవైపు, చంద్రబాబు అరెస్టుపై సామాజిక మాధ్యమ వేదికగా పెద్దఎత్తున నెటిజన్ల నుంచి నిరసన వ్యక్తమైంది. 'చంద్రబాబునాయుడు', ఆయనకు తోడుగా నిలుస్తామంటూ 'వి విల్‌ స్టాండ్‌ విత్‌ సీబీఎన్‌ సర్‌', 'స్టాప్‌ ఇల్లీగల్‌ అరెస్ట్‌ ఆఫ్‌ సీబీఎన్‌' అనే హ్యాష్‌ ట్యాగ్‌లు శనివారం ట్విటర్‌లో టాప్‌ ట్రెండింగ్‌లో కొనసాగాయి. అరెస్టును వ్యతిరేకిస్తూ.. ఆయనకు సంఘీభావం తెలియజేస్తూ.. ఆయన నాయకత్వాన్ని చాటుతూ అనేక సందేశాలు పోస్టు చేశారు. 
తర్వాతి కథనం
20 కాదు.. ఎన్ని ప్రశ్నలేసినా నో యాన్సర్.. నాకేం సంబంధం లేదు.. బాబు