శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. తెలుగు వార్తలు
Written By ఠాగూర్
Last Updated : గురువారం, 6 ఫిబ్రవరి 2020 (15:08 IST)

సికింద్రాబాద్ గాంధీ ఆసుపత్రిలో కరోనా వ్యాధిగ్రస్తులు? ఒకే కుటుంబంలో ఐదుగురికి?

ఒకే కుటుంబానికి చెందిన ఐదుగురికి కరోనా వైరస్ సోకింది. వీరంతా చైనా నుంచి హైదరాబాద్ నగరానికి వచ్చారు. వీరికి నిర్వహించిన వైద్య పరీక్షల్లో కరోనా వైరస్ సోకినట్టు తేలింది. దీంతో వీరందరినీ గాంధీ ఆస్పత్రిలో ఏర్పాటు చేసిన ప్రత్యేక వార్డులో ఉంచి అబ్జర్వేషన్‌లో ఉంచారు. 
 
చైనాలో పుట్టుకొచ్చిన ఈ కరోనా వైరస్ ఇపుడు సుమారు 20 ప్రపంచ దేశాలకు వ్యాపించింది. ఈ కోవలో భారత్‌లో కూడా ఇప్పటికే మూడు కేసులు నమోదయ్యాయి. ఇవన్నీ కేరళ రాష్ట్రంలోనే నమోదయ్యాయి. 
 
ఈ క్రమంలో ఇటీవలే చైనా నుంచి వచ్చిన ఒకే కుటుంబానికి చెందిన ఐదుగురికి కరోనా వైరస్ సోకినట్టు భావిస్తున్నారు. ప్రస్తుతం ఈ కుటుంబం సికింద్రాబాద్ గాంధీ ఆసుపత్రిలో చేరింది. కరోనా లక్షణాలతో వీరు ఆసుపత్రికి వచ్చారని అక్కడి డాక్టర్లు వెల్లడించారు. 
 
ఇప్పటివరకు కరోనా లక్షణాలతో గాంధీ ఆసుపత్రికి వచ్చిన బాధితుల సంఖ్య 10కి చేరింది. గురువారం ఉదయం ఓ యువతి కేరళ నుంచి రాగా, ఆమెకు కరోనా లక్షణాలున్నట్టు అనుమానిస్తున్నారు. ఆమె కూడా గాంధీ ఆసుపత్రిలో చేరింది.