అవును.. 18 ఏళ్ల అమ్మాయికి ముగ్గురు భార్యలు.. ఎక్కడో తెలుసా?
అచ్చం అబ్బాయిలా వున్న ఓ అమ్మాయి.. ఏకంగా ముగ్గురు అమ్మాయిలను వివాహం చేసుకుని కడప జిల్లాలో కలకలం రేపింది. 18 ఏళ్ల రమాదేవి కడపజిల్లా జమ్మలమడుగులో ముగ్గురు అమ్మాయిలను వివాహం చేసుకుంది. వివరాల్లోకి వెళితే.
అచ్చం అబ్బాయిలా వున్న ఓ అమ్మాయి.. ఏకంగా ముగ్గురు అమ్మాయిలను వివాహం చేసుకుని కడప జిల్లాలో కలకలం రేపింది. 18 ఏళ్ల రమాదేవి కడపజిల్లా జమ్మలమడుగులో ముగ్గురు అమ్మాయిలను వివాహం చేసుకుంది. వివరాల్లోకి వెళితే.. కడప జిల్లా కాశినాయన మండలం ఇటుకలపాడు గ్రామానికి చెందిన రమాదేవి పులివెందులలోని ఓ కాటన్‌మిల్లులో పనిచేస్తోంది.
అక్కడే జమ్మలమడుగు నియోజకవర్గంలోని భీమగుండం గ్రామానికి చెందిన మౌనిక అనే మరో యువతి కూడా పనిచేస్తోంది. అక్కడే వీరి పరిచయం ప్రేమగా మారింది. ఆపై వీరిద్దరి వివాహం కూడా జరిగిపోయింది. అయితే మౌనికతో పెళ్లికి ముందే రమాదేవి వందన, బుజ్జి అనే మరో ఇద్దరు అమ్మాయిలను కూడా పెళ్లి చేసుకునట్లు సమాచారం.
మౌనిక పెళ్లి చేసుకుందనే విషయం తెలుసుకున్న ఆమె తల్లిదండ్రులు పోలీసులకు ఫిర్యాదు చేయడంతో కేసు నమోదు చేసిన పోలీసులు దర్యాప్తు జరుపుతున్నారు. 18 ఏళ్ల వయస్సున్న ఓ అమ్మాయి మరో ముగ్గురు అమ్మాయిలను ఎందుకు పెళ్లి చేసుకోవాల్సి వచ్చిందన్న దానిపై పోలీసులు విచారణ జరుపుతున్నారు. మౌనిక కంటే ముందే రమాదేవి వివాహం చేసుకున్న ఇద్దరమ్మాయిలను వారి తల్లిదండ్రులు వచ్చి తీసుకెళ్లిపోయారని పోలీసులు చెప్తున్నారు.
