నూజివీడులో మూఢ నమ్మకం : మేకను పెళ్లాడిన యువకుడు

ఏపీలోని కృష్ణా జిల్లా నూజివీడులోని కొందరి ప్రజల్లో మూఢ నమ్మకం బలంగా పాతుకునిపోయింది. దోష నివారణ కోసం ఓ యువకుడు మేకను పెళ్లి చేసుకున్నాడు. ఆ యుకుడుతో పాటు ఆయన కుటుంబ సభ్యులకు జాతకం పట్ల ఉన్న మూఢనమ్మకం కారణంగా మేకను పెళ్లి చేసుకున్నాడు. 

తాజాగా వెలుగులోకి వచ్చిన ఈ వివరాలను పరిశీలిస్తే, జిల్లాలోని నూజివీడు పట్టణం అన్నవరం రోడ్డుకు చెందిన ఓ యువకుడికి జాతకాలు అంటే మహాపిచ్చి. తనకు రెండు పెళ్లిళ్ళు జరుగుతాయని జాతకంలో ఉండటాన్ని గుడ్డిగా నమ్మేశాడు. ఈ దోష నివారణ కోసం జ్యోతిష్యులను సలహా కోరాడు. వారు చెప్పినట్టుగా దోష నివారణ పూజలు చేసేందుకు అంగీకరించాడు. 

ఉగాది పండుగ సందర్భంగా శనివారం స్థానికంగా ఉండే నవగ్రహ ఆహలంయోల అర్చకులు ఓ యువకుడికి మేకతో తొలుత వివాహం జరిపించారు. హిందూ ధర్మంలో దోష నివారణ కోంస ఇలా చేయొచ్చని వేద పండితులు సెలవిస్తున్నారు. దీంతో ఆ యువకుడు పండితులు చెప్పినట్టుగా దోష నివారణ కోసం మేకను పెళ్లి చేసుకున్నాడు. దీనికి సంబంధించిన వీడియో ఒకటి ఇపుడు సోషల్ మీడియాలో వైరల్ అవుతోంది.