అవును నేనే చంపేశాను, ఇప్పుడేంటి, నేనేం పారిపోలా?
ఎవ‌రికైనా తప్పు చేస్తే, ప‌శ్చాతాపం ఉంటుంది. కానీ, ఇత‌గాడు తన సొంత బాబాయి చంపి ఇలా అన్నాడు... అవును నేనే చంపేశాను.. ఇప్పుడేంటి, నేనేం పారిపోలా’అంటూ ఓ యువకుడు హల్చల్ చేశాడు. నడి రోడ్డుపై సొంత బాబాయిని చంపేశాడు. ప్రకాశం జిల్లా కొనకనమిట్ల మండలం పెదారికట్ల ప్రభుత్వ మద్యం దుకాణం వ‌ద్ద జరిగిన ఈ ఘటన కలకలం రేపింది.
కనిగిరి మండలం యడవల్లికి చెందిన వెంకటేశ్వరరావుకు, అదే ఊరిలో ఉండే ఆయన రెండో అన్న వెంకట నారాయణ కుటుంబంతో ఆస్తి వివాదాలు ఉన్నాయి. ఆస్తి సమస్యను పరిష్కరించాలంటూ, వారం క్రితం కనిగిరిలో జరిగిన స్పందన కార్యక్రమంలో అధికారులకు వెంకటేశ్వరరావు అర్జీ ఇచ్చారు. అధికారులు వచ్చి విచారణ చేశారు.
దీంతో ద్వేషం పెంచుకున్న వెంకట నారాయణ కుమారుడు పుల్లారావు మద్యం తాగుదామంటూ వెంకటేశ్వరరావును పెదారికట్ల తీసుకెళ్లాడు. మద్యం తాగాక గొడవ పెట్టుకొని, సీసా పగులగొట్టి గొంతులో పొడిచి చంపాడు. ఈ ఘటనతో స్థానికులు హడలిపోయారు. అవును నేనే చంపానంటూ నిర్భయంగా చెప్పి అక్కడి నుంచి పారిపోయాడు. తీరా అతని కోసం పోలీసులు గాలిస్తున్నారు
