వేసవిలో అద్దెకు ఏసీలు, కూలర్లూ... ఎక్కడ?
వేసవికాలం ఇంకా ప్రారంభంకాకముందే ఎండలు మండిపోతున్నాయ్. విపరీతమైన ఉక్కపోత పోస్తోంది. దీన్నినుంచి బయటపడేందుకు ఏసీ లేదా కూలర్లు అమర్చుకునేందుకు ప్రతి ఒక్కరూ ప్రయత్నిస్తారు.
వేసవికాలం ఇంకా ప్రారంభంకాకముందే ఎండలు మండిపోతున్నాయ్. విపరీతమైన ఉక్కపోత పోస్తోంది. దీన్నినుంచి బయటపడేందుకు ఏసీ లేదా కూలర్లు అమర్చుకునేందుకు ప్రతి ఒక్కరూ ప్రయత్నిస్తారు. వీటికోసం రూ.వేలకు వేలు ఖర్చు చేయాల్సిన పరిస్థితి ఏర్పడుతుంది. అదేసమయంలో ఏసీలూ, కూలర్లూ సమకూర్చుకోవడం ప్రతి ఒక్కరికీ సాధ్యమైన విషయంకాదు.
ఇలాంటివారికోసం 'గ్రాబ్‌ ఆన్‌ రెంట్‌ డాట్‌ కామ్‌' ఓ పరిష్కార మార్గం చూపుతోంది. ఈ వేసవిలో ఏసీ, కూలర్లు, రిఫ్రిజరేటర్లును అద్దెకు అందిస్తామని ప్రకటించింది. సుప్రసిద్ధ బ్రాండ్లకు చెందిన ఈ ఉత్పత్తులను తమ అవసరానికి తగిన సామర్థ్యంలో కూడా ఎంచుకోవచ్చని ఆ సంస్థ చెబుతోంది.
కేవైసీ (నో యువర్ కస్టమర్) ఫార్మ్‌ నింపితే చాలు, నెలకు కేవలం రూ.799 నుంచి రూ.2,049లో అద్దె ప్రాతిపదికన కావాల్సిన ప్రొడక్ట్‌ను అందిస్తామని సంస్థ చెబుతోంది. సాధారణంగా ఆర్డర్‌ చేసిన 2-4 గంటల్లో ఉచితంగా డెలివరీ చేస్తామని, ఉచితంగా రీలొకేషన్‌ కూడా చేస్తామని సంస్థ వెల్లడించింది. ఇంకెందుకు ఆలస్యం శీతలీకరణ యంత్రాలను అద్దెకు తీసుకుని ఈ వేసవి కాలాన్ని చల్లచల్లగా గడిపేద్దాం.
