మార్బుల్ కేక్..?
కావలసిన పదార్థాలు:
మైదాపిండి - అరకప్పు
గుడ్లు - 2
చాక్లెట్ పొడి - 3 స్పూన్స్
నెయ్యి - అరకప్పు
చక్కెర - ముప్పావు కప్పు
తినే సోడా - అరస్పూన్
వెనీలా ఎసెన్స్ - అరస్పూన్.
తయారీ విధానం:
ముందుగా చక్కెర పొడిలో నెయ్యి, గుడ్లు వేసి బాగా కలుపుకోవాలి. తర్వాత మైదా, తినే సోడా కూడా వేసి బాగా కలుపుకోవాలి. ఈ మిశ్రమాన్ని రెండు భాగాలుగా విడదీసి ఒక సగంలో చాక్లెట్ పొడి, మరో సగంలో వెనీలా ఎసెన్స్ వేసి కలుపుకోవాలి. ఇప్పుడు బాణలి లోపల అడుగున కొద్దిగా నెయ్యి రాసి చాక్లెట్ పొడి కలిపిన మిశ్రమాన్ని ముందు వేయాలి. ఆ తర్వాత వెనీలా ఎసెన్స్ కలిపిన మిశ్రమం కూడా వేసి పైపైనే కలిపి కుక్కర్‌లో లేదా ఓవెన్‌లో 180 డిగ్రీ సెల్సియస్ వద్ద 45 నిమిషాలు ఉడికించాలి. అంతే... మార్బుల్ కేక్ రెడీ.
