అల్పాహారం-చిట్కాలు... అదిరిపోయే టేస్ట్ గ్యారెంటీ

ఉదయం పూట అల్పాహారం చాలా టేస్టీగా చేసుకోవచ్చు. ఈ క్రింది చిట్కాలను ఒకసారి చూడండి. 1. ముదిరిపోయిన ఆనప గింజల్ని బియ్యంతో కలిపి నానబెట్టి రుబ్బి దోసెల్లా పోసుకుంటే చాలా రుచిగా ఉంటాయి. 2. అరకిలో చపాతి పిండికి రెండు మగ్గిన అరటి పండ్లు, ఒక కప్పు పెరుగు చొ

Publish: Thu, 8 Feb 2018 (16:41 IST) Updated: Thu, 8 Feb 2018 (16:43 IST)

ఉదయం పూట అల్పాహారం చాలా టేస్టీగా చేసుకోవచ్చు. ఈ క్రింది చిట్కాలను ఒకసారి చూడండి.

1. ముదిరిపోయిన ఆనప గింజల్ని బియ్యంతో కలిపి నానబెట్టి రుబ్బి దోసెల్లా పోసుకుంటే చాలా రుచిగా ఉంటాయి.

2. అరకిలో చపాతి పిండికి రెండు మగ్గిన అరటి పండ్లు, ఒక కప్పు పెరుగు చొప్పున కలిపితే చపాతీలు మెత్తగా ఉంటాయి.

3. మిగిలిపోయిన అన్నంలో ఎర్రకారం, జీలకర్ర కొంచెం ఉప్పు కలిపి మెత్తగా రుబ్బి వడియాలుగా పెట్టుకొని ఎండాక వేయించుకొని తింటే భలే రుచి. అయితే వడియాలను చీరల మీద, చాపల మీద కాకుండా ప్లాస్టిక్ టేబుల్ క్లాత్ మీద కాని పాలిథీన్ పేపర్ మీద కాని పెడితే ఎండాక తీసుకోవటం చాలా తేలిక.

4. పూరీలు చేసేందుకు పిండి కలిపేటప్పుడు కొంచెం చక్కెర కలిపితే చాలాసేపటి వరకు తాజాగా ఉంటాయి.

5. ఇడ్లీ పిండి రుబ్బేటప్పుడు రెండు ఆముదం చుక్కలు వేసి రుబ్బితే ఇడ్లీ మెత్తగా వస్తుంది.

6. నిలువుగా కోసిన ఉల్లిపాయ ముక్కల మీద మెత్తని ఉప్పు వేసి బాగా కలిపితే అవి తడి అవుతాయి. వాటిని కొంచెం శనగ పిండితో కలిపి వేయించుకుంటే పకోడీలు కరకరలాడుతాయి.