కరోనా వైరస్‌లో మార్పులు.. మరింత ప్రమాదకారి కావొచ్చు : డబ్ల్యూహెచ్‌వో

health emergency
ఠాగూర్| Last Updated: మంగళవారం, 2 మార్చి 2021 (13:08 IST)
కరోనా వైరస్ మహమ్మారిపై ప్రపంచ ఆరోగ్య సంస్థ (డబ్ల్యూహెచ్ఓ) మరో హెచ్చరిక జారీచేసింది. ఈ వైరస్ పలు రూపాలు సంతరించుకుంటుందని అదువల్ల ఇది మరింత ప్రమాదకారి కావొచ్చని హెచ్చరించింది

అదేసమయంలో కరోనా వ్యాప్తి ఈ ఏడాది చివరికల్లా ఆగిపోతుందన్న ఆలోచన చేస్తే అది తొందరపాటే అవుతుందన్నారు. అలాంటి ప్రచారాలు పూర్తి అవాస్తవమని పేర్కొంది. సమర్థవంతమైన కరోనా టీకాల వల్ల మరణాలు, ఆసుపత్రుల్లో చేరేవారి సంఖ్య గణనీయంగా తగ్గుతుందని డబ్ల్యూహెచ్‌ఓ ఎమర్జెన్సీ ప్రోగ్రాం డైరెక్టర్‌ డాక్టర్‌ మైకేల్‌ ర్యాన్‌ తెలిపారు.

వైరస్‌ కట్టడికి టీకాలు తోడ్పడుతున్నాయని పేర్కొన్న ఆయన కొవిడ్‌ వ్యాప్తిని నియంత్రిస్తామని విశ్వసిస్తున్నట్లు చెప్పారు. ప్రస్తుతం కరోనా వ్యాప్తి నియంత్రణలోనే ఉందన్న డబ్ల్యూహెచ్ఓ.. మార్పులు చెందుతున్న వైరస్‌ ప్రమాదకారిగా మారే అవకాశముందని హెచ్చరించింది. మహమ్మారి నిర్మూలనకు అన్ని దేశాలు సమష్టిగా పనిచేయాలని కోరింది.



దీనిపై మరింత చదవండి :