'వండర్‌ కిడ్'’ పృథ్వీ షా ... రికార్డుల బాద్‌ 'షా'
అతని పేరు పృథ్వీ షా. వయసు 18 యేళ్ల 329 రోజులు. ఆడుతోంది తొలి టెస్టు. అయితేనేం.. తాను బరిలోకి దిగితే అది ఏస్థాయి క్రికెటైనా ఒకటే.. అన్నట్టుగా వండర్‌ కిడ్ పృథ్వీ షా అంతర్జాతీయ స్థాయిలో ఘనంగా అరంగేట్రం చ
అతని పేరు పృథ్వీ షా. వయసు 18 యేళ్ల 329 రోజులు. ఆడుతోంది తొలి టెస్టు. అయితేనేం.. తాను బరిలోకి దిగితే అది ఏస్థాయి క్రికెటైనా ఒకటే.. అన్నట్టుగా వండర్‌ కిడ్ పృథ్వీ షా అంతర్జాతీయ స్థాయిలో ఘనంగా అరంగేట్రం చేశాడు.
ఇప్పటిదాకా స్కూల్‌ క్రికెట్ కావచ్చు.. దేశవాళీలు కావచ్చు.. తాను బ్యాట్‌ పడితే రికార్డుల మోతే అన్నట్టుగా సాగిన అతడి ఆటతీరు సీనియర్ జట్టులోనూ కనిపించింది.
స్వదేశంలో వెస్టిండీస్‌తో జరుగుతున్న తొలి టెస్ట్ మ్యాచ్‌లో పృథ్వీ షా అరంగేట్రం చేసి.. కేవలం 99 బంతుల్లో సెంచరీ బాదాడు.
ఫలితంగా అతి చిన్న వయసులోనే అంతర్జాతీయ టెస్ట్ సెంచరీ చేసిన రెండో క్రికెటర్‌గా చరిత్ర సృష్టించాడు. ఈ మ్యాచ్‌లో పృథ్వీ షా నమోదు చేసిన రికార్డులను పరిశీలిస్తే,
* రంజీ, దులీప్‌ ట్రోఫీలతో పాటు టెస్టు అరంగేట్రంలోనే సెంచరీ కొట్టిన తొలి భారత ఆటగాడిగా పృథ్వీ షా.
* భారత్‌ తరపున అరంగేట్ర టెస్టులోనే శతకం బాదిన అత్యంత పిన్నవయస్కుడి (18 ఏళ్ల 329 రోజులు)గా షా. అంతర్జాతీయ స్థాయిలో నాలుగో క్రికెటర్‌. అయితే భారత్‌ నుంచి మొత్తంగా చిన్న వయస్సు (17)లో సెంచరీ సచిన్‌ పేరిట ఉంది.
* అరంగేట్రంలో అత్యంత వేగంగా (99 బంతుల్లో) శతకం బాదిన మూడో బ్యాట్స్‌మెన్‌గా పృథ్వీ షా. ఈ బుడతడు కంటే ధవన్‌ (85), డ్వేన్‌ స్మిత్‌ (93) ముందున్నారు.
* ఫస్ట్‌క్లాస్‌, టెస్టు అరంగేట్రంలో సెంచరీ చేసిన మూడో ఆటగాడు పృథ్వీ షా. గతంలో గుండప్ప విశ్వనాథ్‌, డిర్క్‌ వెల్హామ్‌ (ఆసీస్‌) ఉన్నారు.
* 18 అంతకన్నా తక్కువ వయస్సు ఆటగాళ్లు అరంగేట్రంలో సాధించిన మూడో అత్యధిక స్కోరు (134) షాదే.
* విండీస్‌పై రెండో వికెట్‌కు మూడో అత్యధిక భాగస్వామ్యం (206) నమోదు చేసిన పృథ్వీ షా, పుజారా.
* భారత్‌ నుంచి తొలి టెస్టులోనే శతకం బాదిన 15వ ఆటగాడిగా షా.
