వారానికి ఎన్ని గంటలు పనిచేస్తున్నారో గమనించారా?
వారానికి ఎన్ని గంటలు పనిచేస్తున్నారో గమనించారా? పట్టించుకోకుండా గంటలు గంటలు కూర్చుని ఉద్యోగం చేస్తున్నారా? అయితే అనారోగ్యాలు తప్పవు అంటున్నారు... పరిశోధకులు. ఎందుకంటే.. కెనడాలోని లవాల్ వర్శిటీ నిర్వహించిన పరిశోధనలో వారంలో మీరు యాభై గంటలకు మించి పనిచేస్తే అనారోగ్యాలు తప్పవని తేలింది. వారానికి 50 గంటలకు మించి పనిచేస్తున్న వారు ఆరోగ్యంపై కాస్త శ్రద్ధ పెట్టాల్సిందేనని పరిశోధకులు సూచిస్తున్నారు.
ఎందుకంటే ఒత్తిడి కారణంగా రక్తపోటు ఆవహిస్తుందని, అధిక రక్తపోటు కారణంగా ప్రాణాలకే చిక్కు రావచ్చునని వారు హెచ్చరిస్తున్నారు. మాస్క్ డ్ రక్తపోటు అనేది 50 గంటలకు మించి పనిచేస్తున్న వారిలో అధికంగా కనిపిస్తోందని పరిశోధకులు తేల్చారు.
49 గంటలకు మించి పనిచేసే వారిలో మాస్క్ డ్ రక్తపోటు ఎక్కువగా ఉందని వీరు గుర్తించారు. 41 నుంచి 48 గంటల మధ్య పనిచేసే వారిలో ముప్పు 54 శాతం వరకు ఉందని గుర్తించారు. వారానికి 35 గంటలు పనిచేసే వారి కంటే 50 గంటల కంటే అధిక సమయం పనిచేసే వారిలో 66 శాతం రక్తపోటు ముప్పు అధికంగా ఉన్నట్లు తేల్చారు.
అధిక రక్తపోటు బాధితులు హృదయ, రక్తనాళాల సంబంధిత వ్యాధుల బారిన పడే అవకాశం ఉందని తేల్చారు. ఈ మాస్క్ డ్ రక్తపోటు సాధారణ పరీక్షల్లో కనిపించదు. కొన్ని ప్రత్యేక పరీక్షల ద్వారా మాత్రమే గుర్తించగలరు. పనిభారం ఎక్కువయ్యేకొద్దీ రక్తపోటు ముప్పు మరింత పెరుగుతుంది. కెనడాలో 3500 మంది ఉద్యోగులపై కెనడా విశ్వవిద్యాలయం పరిశోధకులు అధ్యయనం చేశారు.
తర్వాతి కథనం
