బీరకాయను నూనెలో వేయించి ఇలా చేస్తే..?

Last Updated: సోమవారం, 7 జనవరి 2019 (21:57 IST)
ప్రస్తుత సీజన్‌లో బీరకాయలు అధికంగా దొరుకుతున్నాయి. బీరకాయలో పీచు పదార్థం అధికంగా ఉంటుంది. ఇది ఆరోగ్యానికి ఎంతో మేలు చేస్తుంది. బీరకాయలో విటమిన్ సి, ఐరన్, మెగ్నిషియం వంటి ఖనిజాలు అధిక మోతాదులో ఉన్నాయి. ఇవి శరీరంలోని చెడు కొలెస్ట్రాల్‌ను తగ్గిస్తాయి. ఇంకా చెప్పాలంటే.. బరువు తగ్గాలనుకునే వారి తరచు తీసుకుంటే ఫలితం ఉంటుంది. బీరకాయలో క్యాలరీలు చాలా తక్కవుగా ఉన్నాయి కాబట్టి... ఎలాంటి ఇబ్బందులు ఉండవు.

బీరకాయ రక్తాన్ని శుభ్రం చేస్తుంది. చర్మ సంరక్షణ ఎంతో దోహదపడుతుంది. మొటిమలు వంటి సమస్యలను కూడా తొలగిస్తుంది. దేహం నుండి ఆల్కహాల్ కారక వ్యర్థాలను తొలగించి కాలేయం, గుండె సంబంధిత వ్యాధుల నుండి కాపాడుతుంది. కామెర్ల వ్యాధితో బాధపడేవారు.. ఈ వ్యాధిని తగ్గించాలంటే.. రోజుకు గ్లాస్ బీరకాయ రసాన్ని తీసుకుంటే.. మంచి ఫలితాలు పొందవచ్చును. దీంతో శరీర రోగనిరోధక శక్తి కూడా పెరుగుతుంది.

బీరకాయను చిన్న చిన్న ముక్కలుగా కట్ చేసుకుని బాగా శుభ్రం చేసుకోవాలి. ఆపై నూనెలో వీటిని వేసి కొద్దిగా ఉప్పు, కారం కలిపి బాగా వేయించుకోవాలి. ఇందులో వేడి వేడి అన్నం కలిపి తింటే.. చాలా రుచిగా ఉంటుంది. మధుమేహ వ్యాధిగ్రస్తులకు తరచు ఇలాంటి పదార్థాలు తీసుకుంటే.. చాలు వ్యాధి నుండి విముక్తి లభిస్తుంది.

బీరకాయలో నీటిశాతం ఎక్కువగా ఉంటుంది. ఇధి మలబద్ధకం, పైల్స్ వంటి సమస్యలను తగ్గిస్తుంది. రక్తంలోని చక్కెర స్థాయిలను క్రమంగా తగ్గిస్తుంది. మధుమేహ వ్యాధిగ్రస్తులు బీరకాయ తీసుకుంటే చాలా మంచిది. బీరకాయలోని బీరా కెరోటిన్ ఈ వ్యాధిని తగ్గించడంలో ఎంతో సహాయపడుతుంది. కంటి సంబంధిత వ్యాధులకు బీరకాయ జ్యూస్ తాగితే చాలంటున్నారు వైద్యులు.



దీనిపై మరింత చదవండి :