అమెరికా అలాస్కాలో అతిభారీ భూకంపం... ఊగిన గృహాలు
అమెరికాలోని అలాస్కాలో అతి భారీభూకంపం సంభంవించింది. ఈ భూకంపం తీవ్రత రిక్టర్ స్కేలుపై 7.0గా నమోదైంది. ఈ భూకంప ప్రభావంతో గృహాల్లోనివారు ప్రాణభయంతో బయటకు పరుగులు తీశారు. ఈ భూకంపం సంభవించగానే అలాస్కా తీరప్రాంతంలో అమెరికా ప్రభుత్వం సునామీ హెచ్చరికలను జారీచేసింది.
అమెరికా జియోలజికల్ సర్వే అధికారులు వెల్లడించిన వివరాల మేరకు... ఈ భూకంపం ఉత్తర యాంకరేజి ప్రాంతానికి 11 కిమీ దూరంలో కేంద్రీకృతమైంది. మొదటి ప్రకంపనలు తర్వాత వరుసగా పలుమార్లు భూమి పొరల్లో 40.9 కిలోమీటర్ల అడుగుభాగాన ఈ ప్రకంపనలు చోటుచేసుకొన్నాయి. యాంకరేజీ ప్రాంతంలో దాదాపు 3 లక్షలమంది నివసిస్తుండగా మరో లక్షమంది చుట్టుపక్కల ప్రాంతాల్లో నివాసం ఉన్నారు.
స్థానికకాలమానం ప్రకారం ఈ భూకంపం ఉదయం 8.29 గంటలకు చోటుచేసుకొంది. ఇంతవరకు 40 సార్లు భూప్రకంపనలు సంభవించినట్టు అలాస్కా భూకంప కేంద్రం వెల్లడించింది. ఇందులో 10 రిక్టార్ స్కేల్‌పై 4.0గా నమోదుకాగా, 3 సార్లు 7.0గా నమోదయ్యింది. భూకంప ప్రభావంతో కరెంట్‌కు తీవ్ర అంతరాయం కలగటంతో ప్రజలు చీకటిలో మగ్గుతున్నారన్న వార్తలు అందుతున్నాయి.
