భారతీయ స్మార్ట్ మార్కెట్‌లోకి టెక్నో స్పార్క్ 9 ఫోన్
భారతీయ స్మార్ట్ ఫోన్ మార్కెట్‌లోకి మరో కొత్తరకం ఫోన్ వచ్చింది. టెక్నో స్పార్క్ 9 పేరుతో దీన్ని తీసుకొచ్చారు. ఈ ఫోను ధర కూడా రూ.10వేల లోపులే ఉంది. పైగా, ఇందులో ఖరీదైన ఫోన్లకు ఏమాత్రం తీసిపోని విధంగా ఫీచర్లను పొందుపరిచారు.
తాజాగా భారతీయ స్మార్ట్ ఫోన్ మార్కెట్‌లోకి విడుదల చేసిన ఈ ఫోన్ ధర రూ.9499గా నిర్ణయించింది. ఇది 6.6 అంగుళాల హెచ్‌డీ+ డాట్ డిస్‌ప్లేతో ఉంది. మీడియా టెక్ హీలియో జీ37 ఆక్టా కోర్ ప్రాసెసర్‌తో పనిచేసే ఈ స్మార్ట్ ఫోనులో ఆండ్రాయిడ్ 12 ఆపరేటింగ్ సిస్టమ్‌ను అందించారు.
ఈ ఫోనులో 13 మెగాపిక్సెల్ కెమెరాను వెనుక భాగంలో సెల్ఫీల కోసం 8 మెగాపిక్సెల్ కెమెరాను ముందు భాగంలో అమర్చారు. బ్యాక్ కెమెరాలో ఏఐ ఎన్‌హాన్స్‌డ్ ఇమేజ్ సిస్టమ్ అందించారు. ఇందులో 5000 ఎంఏహెచ్ బ్యాటరీ, 3.5 ఎంఎం ఆడియో జాక్, డీటీఎస్ స్పీకర్లు అందించారు.
వాటర్ డ్రాప్ నాన్ డిస్‌ప్లే ఈ ఫోన్ సొంతం. ఇది 6జీబీ ప్లస్ 128 జీబీ వంటి ఒకే ఒక స్టోరేజ్‌ను అందించారు. 512 వరకు మెమరీని ఎక్స్‌పాండ్ చేసుకోవచ్చు. ఈ ఫోను 5జీబీ వర్చువల్ ర్యామ్ కూడా ఆఫర్ చేస్తుంది.
