హిజ్రాలను గౌరవించే దిశగా వాట్సాప్‌లో కొత్త ఎమోజీ..
సోషల్ మీడియాలో అగ్రగామి అయిన వాట్సాప్‌లో కొత్త ఎమోజీ వచ్చింది. ఆండ్రాయిడ్ ఫోన్‌లలో హిజ్రాలను గౌరవించే రీతిలో హిజ్రా ఎమోజీ వచ్చేసింది. ప్రస్తుతం స్మార్ట్‌ఫోన్‌లను ప్రతి ఒక్కరూ ఉపయోగిస్తున్నారు. స్మార్ట్ ఫోన్ వున్న వారు వాట్సాప్ తప్పనిసరిగా వినియోగిస్తున్నారు.
ఈ నేపథ్యంలో వాట్సాప్ కస్టమర్లను పెంచుకునేందుకు గాను కొత్త కొత్త ఫీచర్లను ప్రవేశపెడుతోంది. ఇందులో భాగంగానే తాజాగా హిజ్రాలను గౌరవించే దిశగా హిజ్రా ఎమోజీని యాడ్ చేసినట్లు వాట్సాప్ వెల్లడించింది.
వాట్సాప్ ఆఫ్ బీటా ఫీచర్‌లో ఈ ఎమోజీ చేర్చడం జరిగింది. ఈ ఫీచర్ వాట్సాప్ బీటా ఆండ్రాయిడ్ బీటా 2.19.56 వర్షన్‌‌లో వుంది. ఇంకా బీటా 2.19.73 వర్షన్‌లోనూ ఇది అందుబాటులో వుంటుంది.
దీనితో పాటు ఫోటోలను వెతికే రీతిలో సర్చ్ బై ఇమేజ్ ఫీచర్ కూడా త్వరలో రానుందని వాట్సాప్ ఓ ప్రకటన ద్వారా తెలిసింది. అంతేగాకుండా ఒకేసారి 30 ఆడియోలను షేర్ చేసే ఆప్షన్ కూడా రానుందని సమాచారం.
