1. వార్తలు
  2. తెలుగు వార్తలు
  3. జాతీయ వార్తలు
  4. Indian Government Ordered remove Abhinandan youtube videos

అభినందన్‌ వీడియోలను తొలగించండి.. యూట్యూబ్‌కు ఆదేశం

Indian Government
పాకిస్థాన్‌కు పట్టుబడిన మన ఇండియన్ ఎయిర్‌ఫోర్స్ వింగ్ కమాండర్ అభినందన్ వర్థమాన్‌కు సంబంధించి ఇప్పటి వరకు బయటికి వచ్చిన వీడియోలను వెంటనే తొలగించమని కేంద్ర ఐటీ మంత్రిత్వ శాఖ యూట్యూబ్‌ను ఆదేశించింది. తక్షణమే ఈ తొలగింపులు చేపట్టాలని కూడా కేంద్ర ఐటీ శాఖ యూట్యూబ్‌ను ఆదేశించింది. 
 
ప్రభుత్వ వర్గాల సమాచారం ప్రకారం ఈరోజు కేంద్ర ఐటీ శాఖ అభినందన్‌కు చెందిన దాదాపు 11 వీడియోలకు చెందిన లింక్‌లను తక్షణమే యూట్యూబ్ నుంచి తొలగించమని యూట్యూబ్‌కు ఆదేశాలు జారీ చేసింది. భారత ప్రభుత్వ ఆదేశాల మేరకు యూట్యూబ్‌లో ఉన్న అభినందన్ వీడియోలను తొలగించే పనిని ఇప్పటికే ప్రారంభించినట్లు యూట్యూబ్ యాజమాన్యం పేర్కొంది. 
 
ఈ వీడియోలు మరింత ఎక్కువగా వైరల్ కావడం వల్ల భద్రతా సమస్యలు ఎదురవుతాయనే ఉద్దేశంతో భారత ప్రభుత్వం ఈ చర్యకు ఉపక్రమించినట్లు వార్తా సంస్థ పీటీఐ తెలిపింది.
తర్వాతి కథనం
శుక్రవారం స్వదేశానికి అభినందన్.. శాంతిని కోరుకుంటున్నాం.. అందుకే?