బంగాళాఖాతంలో అల్పపీడనం.. 48 గంటల్లో వర్షాలు... ఆరెంజ్ అలెర్ట్
తెలుగు రాష్ట్రాల్లో రాబోయే 48 గంటల్లో మోస్తరు నుంచి తేలికపాటి వర్షాలు కురిసే అవకాశం వుందని వాతావరణ శాఖ అంచనా వేసింది. బంగాళాఖాతంలో కొనసాగుతున్న తీవ్ర ఉపరితల ఆవర్తనం కారణంగా తెలుగు రాష్ట్రాల్లో తేలికపాటి వర్షాలు కురుస్తాయని వాతావరణ శాఖ వెల్లడించింది. ఇంకా ఉరుములు మెరుపులతో పాటు 30 నుంచి 40 కిలోమీటర్ల వేగంతో ఈదురుగాలులు వీస్తాయని హెచ్చరికలు జారీ చేసింది.
ఈ నెల 13న ఆగ్నేయ బంగాళాఖాతంలో ఏర్పడే అల్పపీడనం బలపడి తుఫానుగా మారే అవకాశం ఉంది. ఈ అల్పపీడన ప్రభావంతో అక్టోబర్ 15 నుంచి రాష్ట్రంలో వర్షాలు ప్రారంభమయ్యే సూచనలున్నాయి. ప్రస్తుతం అనేక ప్రాంతాల్లో సాధారణం కంటే 3 నుంచి 5 డిగ్రీల అధిక ఉష్ణోగ్రతలు నమోదవుతున్నాయి.
దీంతో ఆంధ్రప్రదేశ్ లోని శ్రీకాకుళం, నెల్లూరు జిల్లాలకు ఎల్లో అలాగే ఆరెంజ్ అలర్ట్ ప్రకటించగా, తెలంగాణలోని సూర్యాపేట, వరంగల్ జిల్లాలకు వర్షం పిడుగుపాటు హెచ్చరికలు జారీ అయ్యాయి.
