కొండాపూర్‌లో డాగ్ పార్క్... దేశంలోనే మొట్టమొదటిది ఇదే..
హైదరాబాద్ కొండాపూర్‌లో ఉన్న నగరంలోని ఏకైక పెట్ పార్క్‌ను కొత్త ఆటలతో కూడిన అంశాలతో పునర్నిర్మిస్తున్నారు. దేశంలోనే తొలిసారిగా హైదరాబాదులోని కొండాపూర్‌లో ఈ డాగ్ పార్క్ నిర్మించారు. ఈ పార్క్ వద్ద చాలా పెంపుడు జంతువులు శునకాలు వాకింగ్ చేస్తాయి. దీనిని 'డాగ్ పార్క్' అని కూడా పిలుస్తారు.
ఈ పార్కుకు కొత్తగా అదనంగా టన్నెల్ పోర్ట్, డాగీ క్రాల్ లాడెర్, బ్యాలెన్స్ హౌస్, వంతెన రాంప్ ఉంటాయి. ఇతర సౌకర్యాలలో వాకింగ్ ర్యాంప్, రెండు టీటర్-టోటర్లు, మినీ-మౌంటైన్ క్లైమ్, క్రాస్ఓవర్ డబుల్ రాంప్ ఉన్నాయి.
ఇకపోతే.. పెట్ పార్కులు విదేశాలలో సర్వసాధారణం, కానీ భారతదేశంలో అలాంటి సదుపాయం లేదు. పెంపుడు జంతువులను సాధారణంగా పార్కుల్లోకి అనుమతించరు. అందుకే హైదరాబాదులో పెట్స్ కోసం ప్రత్యేక పార్కును ఏర్పాటు చేశారు.
