హైదరాబాద్ కూలర్ల గోదాంలో మంటలు
హైదరాబాద్ కూలర్ల గోదాంలో మంటలు చెలరేగాయి. హైదరాబాద్ పురానాపూల్‌లో ఈ అగ్నిప్రమాదం సంభవించింది. సమాచారం అందుకున్న ఫైర్ సిబ్బంది.. ఫైరింజన్లతో మంటల్ని అదుపు చేశారు. ఈ అగ్నిప్రమాదం ఎలా జరిగిందనే అంశంపై ఇంకా విచారణ జరుగుతోంది.
గోదాం రెసిడెన్షియల్ ఏరియాలో ఉండటంతో అగ్ని ప్రమాదం జరిగిన వెంటనే చుట్టుపక్కల ప్రజలంతా భయంతో వణికిపోయారు. వెంటనే ఇళ్ల నుంచి దూర ప్రాంతాలకు పరుగులు తీశారు. ఈ ఘటనలో ప్రాణనష్టం జరగలేదని.. ఆస్తినష్టంపై ఇంకా ఎలాంటి అంచనా రాలేదని అధికారులు చెప్తున్నారు.
