చెర్రీ-శంకర్ సినిమాలో ఎస్‌జే సూర్య.. సీఎం తనయుడిగా...?
మెగా హీరో రామ్ చరణ్ శంకర్ కాంబినేషన్ వస్తోన్న సినిమాలో ఎస్‌జే సూర్య కీలక పాత్రలో నటిస్తున్నారని గతంలోనే వార్తలు ప్రచారంలోకి వచ్చాయి.
తాజాగా వార్తకు సంబంధించి కొత్త అప్డేట్ వచ్చింది. ఎస్‌జే సూర్య ఈ సినిమాలో సీఎం కొడుకు పాత్రలో కనిపించనున్నారు. ఈ పాత్ర నెగిటివ్ షేడ్స్‌తో ఉంటుందని సమాచారం.
కియారా అద్వానీ ఈ సినిమాలో హీరోయిన్‌గా నటిస్తోంది. గత కొన్నేళ్లుగా శంకర్ ఖాతాలో సరైన హిట్ లేదు. రోబో సినిమా తర్వాత చెర్రీతో చేసే సినిమా హిట్‌గా నిలుస్తుందని టాక్ వస్తోంది. 2023 సమ్మర్ కానుకగా ఈ సినిమా థియేటర్లలో విడుదల కానుందని సమాచారం అందుతోంది.
ఇకపోతే.. చరణ్ భవిష్యత్తు ప్రాజెక్ట్‌లన్నీ స్టార్ డైరెక్టర్ల డైరెక్షన్‌లో తెరకెక్కనున్నాయి. ఈ సినిమాలతో పాన్ ఇండియా హీరోగా చరణ్ రేంజ్ పెరగడం ఖాయమని కామెంట్లు వ్యక్తమవుతున్నాయి.
