'హరిహర వీరమల్లు'లో అకీరా నందన్?
పవర్ స్టార్ పవన్ కళ్యాణ్ వరుస సినిమాల్లో నటిస్తూనే మరోవైపు రాజకీయాల్లో కూడా బిజీగా గడుపుతున్నారు. ఆయన పార్టీ బలోపేతం అయితే… ఆయనకి బాధ్యతలు మరింత పెరుగుతాయి. దీంతో సినిమాలను కాస్త బ్రేక్ ఇచ్చి.. రాజకీయాలను ఓ లుక్కేసేందుకు సిద్ధమవుతున్నారని టాక్ వస్తోంది. ఈ నేపథ్యంలో పవన్ కళ్యాణ్ తనయుడు అకిరానందన్‌ను హీరోగా ఎప్పుడు లాంచ్ చేస్తారా? అనే ఆసక్తి అందరిలోనూ నెలకొంది.
అకీరా ఎక్కడ కనిపించినా అభిమానులు మురిసిపోతున్నారు. 6 అడుగులు పైనే హైట్ ఉన్న అఖీరా గ్లామర్ విషయంలో కూడా తండ్రికి ఏమాత్రం తీసిపోడు. అయితే అకీరా సినీ రంగ ప్రవేశం గురించి తల్లి రేణు దేశాయ్ ఎప్పుడూ నోరు మెదపలేదు. పవన్ కూడా ముసిముసి నవ్వులు నవ్వేస్తూ దాటేశాడు కానీ అభిమానులకి కావాల్సిన ఆన్సర్ మాత్రం ఇవ్వలేదు. అయితే ఓ వార్త మాత్రం ప్రస్తుతం సోషల్ మీడియాతో పాటు ఫిలింనగర్‌ను కూడా ఓ ఊపు ఊపేస్తోంది.
అదేంటి అంటే.. క్రిష్ తెరకెక్కిస్తున్న 'హరిహర వీరమల్లు' చిత్రంలో అకీరా నటిస్తున్నాడట. అందుకోసమే అతను కర్ర సాము కూడా నేర్చుకున్నట్టు ఇండస్ట్రీ టాక్. అంతేకాదు సంగీతం టీచర్‌ను కూడా పెట్టుకుని అతను సాధన చేస్తుండడాన్ని బట్టి చూస్తే ఈ వార్త నిజమే అనిపిస్తుంది. అయితే అధికారిక ప్రకటన వస్తే కానీ కచ్చితంగా చెప్పలేము.
