శనివారం, 24 ఫిబ్రవరి 2024
  1. వినోదం
  2. తెలుగు సినిమా
  3. కథనాలు
Written By సెల్వి
Last Updated : శుక్రవారం, 7 అక్టోబరు 2022 (22:50 IST)

పవర్ స్టార్ పవన్ కల్యాణ్‌తో శ్రీముఖి స్టెప్పులేస్తే.. ఈ వీడియోలో చూడండి.. (video)

Pawan_SriMukhi
Pawan_SriMukhi
ఆహా ఓటీటీ తెలుగులో దూసుకుపోతోంది. ఇటీవల "తెలుగు ఇండియన్ ఐడల్" సింగింగ్ రియాలిటీ షోని గ్రాండ్‌గా సక్సెస్ చేసింది. ప్రస్తుతం డ్యాన్స్ ఐకాన్ అంటూ సరికొత్త డ్యాన్స్ షోతో వచ్చింది ఆహా. తాజాగా ఈ షోనుంచి ప్రోమో రిలీజ్ అయ్యింది.  
 
ఈ డ్యాన్స్ ఐకాన్ షోలో శేఖర్ మాస్టర్‌తో పాటు రమ్యకృష్ణ కూడా జడ్జిగా వ్యవహరిస్తున్నారు. ఇక ఈ షోకి ఓంకార్ వ్యాఖ్యాతగా వ్యవహరిస్తున్నారు. శ్రీముఖి, మోనాల్ గజ్జర్, యశ్వంత్ మాస్టర్ టీం హెడ్స్‌గా ఉన్నారు. బెస్ట్ డ్యాన్సర్లు ఈ షోకి వచ్చారు. తాజాగా రిలీజ్ చేసిన ప్రోమో చూస్తే పూనకాలు రావడం ఖాయం. 
 
 


 
ఎందుకంటే పవర్ స్టార్ పవన్ కల్యాణ్ గెటప్‌లో వున్న వ్యక్తితో శ్రీముఖి డ్యాన్స్ చేయడం ప్రేక్షకులను బాగా ఆకట్టుకుంటోంది. ఈ వీడియోలో గబ్బర్ సింగ్‌లోని పాటకు పవర్ స్టార్ డ్యాన్స్ చేయడం.. శ్రీముఖి కూడా ఆయన తగినట్లు స్టెప్పులేయడం.. అందుకు ఓంకార్, రమ్యకృష్ణ, శేఖర్ మాస్టర్ అదుర్స్ అని అభినందించడం హైలైట్‌గా నిలిచింది. 
 
ఈ వీడియో ప్రోమోలో స్టేజ్ మీద ఎనర్జీ పెరిగింది.. ఫెర్‌ఫార్మెన్స్‌లు అదిరిపోయాయ్.. గెట్ రెడీ ఫర్ పవర్ ఫుల్ ఎనర్జీ అంటూ ఆహా పోస్టు చేసింది. ఈ ప్రోమోకు సంబంధించిన డ్యాన్స్ ఐకాన్ ఆహా ఎపిసోడ్స్ (7, 8) ప్రీమియర్ షో లు శని, ఆదివారాలు రాత్రి  తొమ్మిది గంటలకు ప్రసారం అవుతాయని తెలిపింది. ఇంకేముంది.. తాజా ప్రోమో వీడియోను ఓ లుక్కేయండి.