దుల్కర్ సల్మాన్‌తో సుమ డ్యాన్స్ (వీడియో అదుర్స్)
యాంకరింగ్ ఫీల్డులో మకుటం లేని మహారాణిగా గుర్తింపు పొందిన సుమ..ప్రస్తుతం ఈటీవీలో ప్రసారమవుతున్న క్యాష్ షోకి కూడా ఎన్నో ఏళ్లుగా యాంకర్‌గా వ్యవహరిస్తోంది. ప్రతివారం ప్రసారమయ్యే ఈ షోలో పాల్గొనే సెలబ్రిటీలతో కలిసి సుమ చేసే సందడి అంతా ఇంతా కాదు. ఈవారం ప్రసారం కాబోతున్న ఈ షోలో సీతారామం టీం సందడి చేసింది.
ఇక ఈ ఎపిసోడ్ లో హీరో సుమంత్, డైరెక్టర్ తరుణ్ భాస్కర్, హీరో దుల్కర్ సల్మాన్, హనుమాన్ రాఘవపూడి ఫుల్ సందడి చేసారు. ఇటీవల ఈ ఎపిసోడ్ కి సంబంధించిన ప్రోమో విడుదల అయ్యింది.
ఈ షోలో సుమంత్, దుల్కర్, హనుమాన్ తమ పంచ్ లతో రెచ్చిపోయారు. మహానటి సినిమాలో ఎమ్జీఆర్ పాత్రలో నటించిన దుల్కర్ తెలుగు ప్రేక్షకులకు కూడా సుపరిచితమైన వ్యక్తి. ఈ సినిమాలో దుల్కర్ నటన ఇప్పటికీ ప్రేక్షకులకు గుర్తుండిపోయింది.
ఇక క్యాష్ షో లో పాల్గొన్న దుల్కర్ సావిత్రికి లవ్ ప్రపోజ్ చేసే సన్నివేశాన్ని సుమతో కలిసి చేసారు. ఆ తర్వాత ఇద్దరూ కలిసి తేనెమనసులు సినిమాలోని పాటకు డాన్స్ చేసి సందడి చేశారు.
