అకీరా నందన్ నుంచి తాజా అప్డేట్.. ఏంటది?
పవర్ స్టార్ పవన్ కల్యాణ్ తనయుడు అకీరా నందన్ గురించి ప్రత్యేకంగా చెప్పక్కర్లేదు. తండ్రిలాగే బాక్సింగ్‌, కరాటే లాంటి మార్షల్‌ ఆర్ట్స్‌ నేర్చుకుంటోన్న ఈ స్టార్ కిడ్‌కు సోషల్ మీడియాలో ఫాలోయింగ్‌ భారీగానే ఉంది. తాజాగా మొదటి సారి రక్తదానం చేశాడు అకిరా నందన్. ఈ విషయాన్ని అతడి తల్లి రేణు దేశాయ్‌ సోషల్ మీడియా ద్వారా ఫ్యాన్స్‌‌తో పంచుకుంది.
18 ఏళ్లు నిండిన తర్వాత అకీరా చేసిన మొదటి రక్తదానం. అవసరంలో ఉన్నవారికి మనం ఇచ్చే అత్యంత విలువైనది ఏదైనా ఉందంటే అది మన రక్తం. దయచేసి మీకు 18 ఏళ్లు నిండిన తర్వాత మీకు వీలైనంత వరకు రక్తదానం చేయండి. దాని ద్వారా మీరు ఎవరో ఒకరి ప్రాణాలని కాపాడినవారవుతారు' అని ఆ పోస్టులో రాసుకొచ్చింది రేణు.
ప్రస్తుతం ఈ పోస్ట్‌ సోషల్ మీడియాలో వైరల్‌‌గా మారింది. అకీరా మంచి పని చేశాడంటూ అభిమానులు, నెటిజన్లు ప్రశంసల వర్షం కరిపిస్తున్నారు.
