దీపికా కోసం ప్రభాస్ ఇంటి నుంచి భోజనం... (video)
టాలీవుడ్ మోస్ట్ బ్యాచిలర్ ప్రభాస్ ఒక హీరోగానే కాకుండా వ్యక్తిగతంగా కూడా మంచి మనిషి. తనతో పాటు నటించే నటీనటులను ఎంతో బాగా చూసుకుంటారు. ముఖ్యంగా, హీరోయిన్ల విషయంలో ప్రత్యేకంగా శ్రద్ధ తీసుకుంటారు. ఇందులోభాగంగా, తనతో కలిసి హీరోయిన్లకు ఆయన ప్రత్యేకంగా ఇంటి నుంచి సెట్స్‌కు భోజనం తెప్పిస్తుంటారు. గతంలో సాహో చిత్రం సమయంలో బాలీవుడ్ నటి శ్రద్ధా దాస్‌కు ఇంటి నుంచి భోజనం సమకూర్చారు. ఇపుడు బాలీవుడ్ నటి దీపికా పదుకొనె వంతు వచ్చింది.
దర్శకుడు నాగ్ అశ్విన్ - ప్రభాస్ కాంబినేషన్‌లో "ప్రాజెక్టు-కె" పేరుతో ఓ చిత్రం తెరకెక్కుతుంది. ఈ చిత్రంలో దీపికా హీరోయిన్. ఈ చిత్రం షూటింగ్‌లో భాగంగా ఇటీవల హైదరాబాద్ నగరంలో ఓ షెడ్యూల్ కోసం చిత్ర బృందం నగరానికి వచ్చింది. ఆ సమయంలో దీపికా కోసం ప్రభాస్ ప్రత్యేక వంటకాలతో సెట్స్‌కు ఇంటి నుంచి భోజనం తెప్పించారు. దీనికి సంబంధించిన ఫోటోను దీపిక సోషల్ మీడియా ఖాతాలో షేర్ చేశారు.
సాధారణంగా ప్రభాస్ ఇంట్లో చికెన్, రొయ్యలు, మటన్ వంటి నాన్ వెజ్ వంటకాలు ఘుమఘుమలు వస్తుంటాయి. ఇక అతిథుల కోసం అంటే చెప్పేదేముంది. ప్రభాస్ ఇంటి నుంచి క్యారేజీ వచ్చిందంటో సెట్స్‌లో అందరి దృష్టి ఆ క్యారేజీపైనే ఉంటుంది.
