సాహో ఆ క్లబ్లో చేరాడా..?
యంగ్ రెబల్ స్టార్ ప్రభాస్ సాహో సినిమా ఇటీవల రిలీజైన విష‌యం తెలిసిందే. ద‌ర్శ‌కుడు సుజిత్, యు.వి.క్రియేషన్స్ రెండు సంవ‌త్స‌రాలు ఎంతో క‌ష్ట‌ప‌డి రూపొందించిన ఈ సినిమాకి డివైడ్ టాక్ వ‌చ్చిన‌ప్ప‌టికీ క‌లెక్ష‌న్స్ మాత్రం బాగానే రాబ‌డుతుంది. ముఖ్యంగా బాలీవుడ్లో రికార్డు స్ధాయి క‌లెక్ష‌న్స్ వ‌సూలు చేయ‌డం విశేషం.
రెబల్ స్టార్ సాహో సినిమాతో అమెరికాలో మరోసారి ప్రభాస్ తన బాక్స్ ఆఫీస్ స్టామినా చూపించాడు. యాక్షన్ ఎంటర్టైనర్‌గా తెరకెక్కిన సాహో 3 మిలియన్ డాలర్ల క్లబ్లో చేరింది. ఓవర్సీస్‌లో భారీగా విడుదలైన సాహో ప్రీమియర్స్ తోనే సాలీడ్ కలెక్షన్స్‌ని రాబట్టింది. ఇక ప్రభాస్ గత సినిమాలు కూడా యూఎస్‌లో మంచి వసూళ్లను రాబట్టయి.
ప్రభాస్ రాజమౌళి కాంబినేషన్లో వచ్చిన బాహుబలి ఫస్ట్ పార్ట్ 6.9 మిలియన్ డాలర్లను రాబట్టింది. ఇక ఆ కథకు సీక్వెల్‌గా వచ్చిన బాహుబలి సెకండ్ పార్ట్ 12 మిలియన్ డాలర్స్‌ని అందుకుంది.
ఇక ఇప్పుడు సాహో కూడా అదే తరహాలో కలెక్షన్స్‌ని అందుకుంటోంది. 3 మిలియన్ డాలర్స్‌ని అందుకున్న సాహో ఆదివారం పాజిటివ్ ఓపెనింగ్స్‌తో స్టార్ట్ అయ్యింది. సుజిత్ డైరెక్ట్ చేసిన సాహో చిత్రాన్ని 300 కోట్ల భారీ బడ్జెట్‌తో యూవీ క్రియేషన్స్ నిర్మించింది. మ‌రి... ఫుల్ ర‌న్లో ఇంకెంత క‌లెక్ట్ చేయ‌నుందో చూడాలి.
