బాక్సాఫీస్ వద్ద "స్కంద" ట్రైలర్ రికార్డుల వేట
మాస్ యాక్షన్ చిత్రాలకు కేరాఫ్ అడ్రస్‌గా ఉన్న బోయపాటి శ్రీను - యంగ్ అండ్ ఎనర్జిటిక్ హీరో రామ్ పొత్తినేని కాంబినేషన్‌లో వస్తున్న చిత్రం "స్కంద". పూర్తి యాక్షన్ ఎంటర్‌టైనర్‌గా తెరకెక్కించారు. ఈ ట్రైలర్‌ను తాజాగా రిలీజ్ చేశారు. ఇప్పటికే 50 మిలియన్‌లకు పైగా వ్యూస్‌ను దక్కించుకున్నారు. సినిమా బాక్సాఫీస్ వద్ద ఊచకోత కోయడం ఖాయమని ట్రైలర్‌కు వచ్చిన స్పందన చూస్తే తెలిసిపోతుంది.
ఇప్పటికే ఈ చిత్రం నుంచి విడుదల చేసిన "నీ చుట్టూ చుట్టూ, గండరబాయ్, డుమ్మారే డుమ్మారే" పాటలు నెట్టింట వ్యూస్ పంట పండిస్తున్నాయి. తాజాగా ఎస్.థమన్ కంపోజింగ్‌లో పల్లెటూరి అందాల నడుమ కుటుంబ సమేతంగా కలర్‌పుల్‌గా సాగే "డుమ్మారే డుమ్మారే" పాట ఈ చిత్రానికి ప్రత్యేక ఆకర్షణగా నిలవబోతున్నట్టు ఈ లిరికల్ వీడియోతో తెలిసిపోతుంది. ఇందులో శ్రీలీల హీరోయిన్‌గా నటించిన విషయం తెల్సిందే.
