సైరా ఫంక్ష‌న్‌లో అంద‌రికీ షాక్ ఇచ్చిన ప‌వ‌న్... ఇంత‌కీ ఏం చేసాడు..? (video)

Publish: Mon, 23 Sep 2019 (12:45 IST) Updated: Mon, 23 Sep 2019 (16:21 IST)

మెగాస్టార్ చిరంజీవి న‌టించిన సంచ‌ల‌న చిత్రం సైరా న‌ర‌సింహారెడ్డి. స్టైలీష్ డైరెక్ట‌ర్ సురేంద‌ర్ రెడ్డి ద‌ర్శ‌క‌త్వంలో రూపొందిన ఈ భారీ చిత్రం సైరా న‌ర‌సింహారెడ్డి ప్రీ రిలీజ్ ఈవెంట్‌కు ప‌వ‌ర్ స్టార్ ప‌వ‌న్ క‌ళ్యాణ్ ముఖ్య అతిధిగా హాజ‌ర‌య్యారు. ఆయ‌న ఈ వేడుక‌కు వ‌స్తున్నార‌ని తెలిసిన‌ప్ప‌టి నుంచి... ఎప్పుడెప్పుడు చిరు, ప‌వ‌న్‌ని ఈ వేదికపై చూస్తామా అని అభిమానులు ఎంతో ఆస‌క్తిగా ఎదురు చూసారు.

ఇక అస‌లు విష‌యానికి వ‌స్తే... ఈ వేడుక‌లో పవర్ స్టార్ పవన్ కళ్యాణ్‌ మాట్లాడుతుండగా ఆశ్చర్యకరమైన ఘటన జరిగింది. తన ప్రసంగాన్ని కొనసాగించే క్రమంలో రాకెట్‌లా వేదిక పైకి ఓ అభిమాని దూసుకువ‌చ్చి పవన్‌కు పాదాభివందనం చేసే ప్రయత్నం చేశాడు. ఇంతలో సెక్యూరిటీ సిబ్బంది వచ్చి ఆ అభిమానిని బలవంతంగా అక్కడ్నించి తీసుకెళ్లే ప్రయత్నం చేశారు.

అప్పుడు.. మీరందరూ వెళ్లిపోండి అంటూ పవన్ వారికి హిందీలో చెప్పినా ఆ సెక్యూరిటీ సిబ్బంది వినకపోవడంతో గట్టిగా అరిచారు. ఆప్ లోగ్ చలే జాయియే భాయ్ అంటూ మొదట తక్కువ టోన్‌తో చెప్పిన జనసేనాని ఆ తర్వాత చలీయే ఆప్ అంటూ టోన్ పెంచ‌డంతో సెక్యూరిటీ సిబ్బంది వెనక్కి తగ్గారు. దాంతో ఆ అభిమాని పవన్‌ను ఆనందంతో హత్తుకుని మురిసిపోయాడు. అనంతరం పవన్ తన ప్రసంగం కొనసాగించారు.