మంగళవారం, 16 ఏప్రియల్ 2024
  1. వార్తలు
  2. తెలుగు వార్తలు
  3. ట్రెండింగ్
Written By సిహెచ్
Last Modified: శనివారం, 29 అక్టోబరు 2022 (22:36 IST)

సమంతకు అరుదైన వ్యాధి మైయోసిటిస్, లక్షణాలు ఇవే

Samantha
టాలీవుడ్ స్టార్ హీరోయిన్ సమంత మైయోసిటిస్ అనే అరుదైన వ్యాధి బారిన పడ్డారు. ఈ వ్యాధి పేరు కానీ, దాని లక్షణాలు కానీ చాలామందికి తెలియదు. ఇంతకీ సమంతకు వచ్చిన ఆ వ్యాధి లక్షణాలు ఎలా వుంటాయో చూద్దాము.
 
 
మైయోసిటిస్ ప్రధాన లక్షణాలు బలహీనమైన, బాధాకరమైన కండరాల నొప్పి.
ఇది ఓ అధ్వాన్నమైన వ్యాధిగా చెపుతారు.
కొద్దిదూరం నడిచినా, నిలబడినా డస్సిపోతారు.
మైయోసిటిస్ సాధారణంగా రోగనిరోధక వ్యవస్థలో సమస్య వల్ల వస్తుంది.
అది పొరపాటున ఆరోగ్యకరమైన కణజాలంపై దాడి చేస్తుంది.
 
మయోసిటిస్‌లో వివిధ రకాలు ఉన్నాయి
పాలీమయోసిటిస్, ఇది అనేక రకాల కండరాల సమస్యను తెస్తుంది.
ముఖ్యంగా భుజాలు, తుంటి మరియు తొడ కండరాలను ప్రభావితం చేస్తుంది.
ఇది మహిళల్లో సర్వసాధారణం మరియు 30 నుండి 60 సంవత్సరాల వయస్సు గల వ్యక్తులను ప్రభావితం చేస్తుంది.
 
డెర్మాటోమియోసిటిస్, ఇది అనేక కండరాలను ప్రభావితం చేస్తుంది, దద్దుర్లు కలిగిస్తుంది. ఇది మహిళల్లో సర్వసాధారణం. కొన్నిసార్లు పిల్లలకు కూడా వస్తుంది.
 
మూడవది... ఇన్‌క్లూజన్ బాడీ మైయోసైటిస్, ఇది తొడ కండరాలు, ముంజేయి కండరాలు, మోకాలి క్రింద కండరాలలో బలహీనతను కలిగిస్తుంది. మింగేటపుడు గొంతులో కూడా ఇది సమస్యలను కలిగిస్తుంది. IBM పురుషులలో సర్వసాధారణం, 50 ఏళ్లు పైబడిన వారిని ప్రభావితం చేస్తుంది.