సంబంధిత వార్తలు
- ఏడు తుఫానుల్లో 37 లక్షల ఎకరాల్లో పంట నష్టం, బీమా ఇస్తున్నది 15.15 లక్షల మంది రైతులకే
- మిస్టర్ బ్రహ్మనాయుడు... ఏమిటీ కండకావరం?: అచ్చెన్నాయుడు ఆగ్రహం
- కరోనా బాధితులను డాక్టర్లు పిండెేస్తున్నారు: అంబటి రాంబాబు
- రఘురామకృష్ణరాజు ఓ చీడపురుగు, ఇతడిని సమర్థించే బాబును ఏమనాలో? అంబటి రాంబాబు
- ఏపీలో పదో తరగతి పరీక్షలు రద్దు చేయండి: సీఎం జగన్కు నారా లోకేష్ లేఖ
ఇంకెంత మంది టీడీపీ కార్యకర్తలను బలి తీసుకుంటారు?: లోకేష్
అమరావతి: రాష్ట్రంలో టీడీపీ నేతలు దారుణ హత్యలకు గురవడంపై ఆ పార్టీ జాతీయ ప్రధాన కార్యదర్శి లోకేష్ తీవ్రస్థాయిలో విరుచుకుపడ్డారు. ‘‘ప్రశాంత పల్లెల్ని కూడా ముఠాకక్షల కేంద్రాల్ని చేసిన ఫ్యాక్షన్ సీఎం జగన్ రెడ్డి గారూ! మీ కక్షపూరిత పాలనలో ఇంకెంతమంది టీడీపీ కార్యకర్తల్ని బలి తీసుకుంటారు?’’ అని ఆగ్రహం వ్యక్తం చేశారు.
ప్రకాశం జిల్లా సంతమాగులూరు మండలం కామేపల్లిలో టీడీపీ కార్యకర్త లక్కెపోగు సుబ్బారావుని వైసీపీ మూకలు హత్య చేయడం అత్యంత దారుణమన్నారు. ఇంట్లో శుభకార్యానికి డీజే పెట్టుకుంటే, ఓర్వలేని వైసీపీ వర్గీయులు దాడి చేసి ఈ ఘాతుకానికి పాల్పడ్డారంటే, ఎంతగా బరితెగించారో అర్థం అవుతోందన్నారు. సుబ్బారావు కుటుంబానికి, గాయపడిన టీడీపీ కార్యకర్తలకు పార్టీ అన్నివిధాలుగా అండగా నిలుస్తుందని లోకేష్ భరోసా ఇచ్చారు.
