గురువారం, 18 జులై 2024
  1. వార్తలు
  2. తెలుగు వార్తలు
  3. తెలుగు వార్తలు
Written By ఠాగూర్
Last Updated : బుధవారం, 18 జనవరి 2023 (11:14 IST)

శ్రీహరికోటలో ఆగని ఆత్మహత్యలు.. నిన్న భర్త.. నేడు భార్య

suicide
శ్రీహరికోటలోని భారత అంతరిక్ష పరిశోధనా కేంద్రం (షార్)లో వరుస ఆత్మహత్యలు కలకలం రేపుతున్నాయి. రెండు రోజుల్లో ఏకంగా ముగ్గురు ఆత్మహత్యలు చేసుకున్నారు. ముఖ్యంగా, గత 24 గంటల్లో భార్యాభర్తలు ప్రాణాలు తీసుకున్నారు. సీఐఎస్ఎఫ్ ఎస్ఐ ఆత్మహత్య చేసుకున్న 24 గంటల వ్యవధిలోనే ఆయన భార్య ఉరేసుకుంది. 
 
ఎంతో కీలకమైన ప్రయోగ కేంద్రంగా ఉండే శ్రీహరికోట షార్ సెంటరులో తొలుత సీఐఎస్ఎఫ్ కానిస్టేబుల్ ఆత్మహత్య చేసుకున్నాడు. ఆ తర్వాత సీఐఎస్ఎఫ్ సీఐ వికాస్ సింగ్ తన సర్వీస్ రివాల్వర్‌తో కాల్చుకుని ప్రాణాలు తీసుకున్నడు. తన భర్త మృతి వార్త తెలుసుకున్న వికాస్ సింగ్ భార్య  తన అన్నతో కలిసి ముంబై నుంచి శ్రీహరికోటకు వచ్చారు. 
 
భర్త వికాస్ సింగ్ మృతిని తట్టుకోలేక ఆమె ఆత్మహత్య చేసుకున్నట్టు తెలుస్తుంది. షార్ ప్రాంగణంలోని నర్మద గెస్ట్ హౌస్‌లో ఫ్యానుకు ఉరేసుకుని ప్రాణాలు తీసుకుంది. వికాస్ సింగ్‌కు భార్య, కుమారుడు, ఇద్దరు కుమార్తెలు ఉన్నారు. ఇందులో ఓ కుమార్తె వికలాంగురాలు. అయితే, వికాస్ సింగ్ మృతిపై పలు అనుమానాలు ఉన్నాయి.