సంబంధిత వార్తలు
2022 వృషభ రాశి ఫలితాలు, తప్పటడుగు వేసే ఆస్కారం ఉంది
వృషభరాశి : కృత్తిక 2, 3, 4 పాదాలు, రోహిణి, మృగశిర 1, 2, పాదాలు
ఆదాయం: 8 వ్యయం: 8 రాజ్యపూజ్యం: 6 అవమానం: 6
మీ గోచారం పరీక్షించగా ఈ ఏడాది ఆశాజనకంగానే ఉంది. ఆదాయం బాగుంటుంది. రుణ బాధలు తొలగుతాయి. కొన్ని సమస్యల నుంచి విముక్తి లభిస్తుంది. పరిచయాలు ఉన్నతికి తోడ్పడతాయి. కార్యం సిద్ధిస్తుంది. వాహనం, విలువైన వస్తువులు కొనుగోలు చేస్తారు. అయితే కొన్ని చికాకులు తలెత్తే ఆస్కారం ఉంది. వ్యవహారాలు ఆశించినంత ప్రశాంతంగా సాగవు. కొన్ని విషయాల్లో తప్పటడుగు వేసే ఆస్కారం ఉంది. అనాలోచిత నిర్ణయాలు తీసుకోకుండా పెద్దల సలహా పాటించండి. తరచు ఆరోగ్య సమస్యలెదురవుతాయి. వైద్య సేవలతో కుదుటపడతారు.
భవన నిర్మాణాల విషయంలో అభ్యంతరాలు తొలగుతాయి. సంస్థల స్థాపనలకు అనుకూలం. సంతానానికి ఉన్నత విద్యావకాశం లభిస్తుంది. అవివాహితులకు శుభదాయకం. వృత్తులు, కార్మికులకు సదవకాశాలు లభిస్తాయి. ఉద్యోగస్తులు అప్రమత్తంగా ఉండాలి. ఒత్తిళ్లు, ధనప్రలోభాలకు లొంగవద్దు. నిరుద్యోగులకు ఉపాధి అవకాశాలు కలిసి వస్తాయి. ఉపాధ్యాయులకు బదిలీలు ఆందోళన కలిగిస్తాయి.
మార్కెట్ రంగాల వారు టార్గెట్లను అధిగమిస్తారు. వ్యాపారాలు ప్రధమార్ధం కంటె ద్వితీయార్థంలో బాగుంటాయి. పెద్దమొత్తం సరుకు నిల్వ శ్రేయస్కరం కాదు. ఆధ్యాత్మికత పెంపొందుతుంది. ప్రముఖ పుణ్యక్షేత్రాలు సందర్శిస్తారు. వాహనం నడిపేటపుడు జాగ్రత్త. పాల్గొంటారు. అసాంఘిక కార్యకలాపాలకూ దూరంగా ఉండాలి.
