1. వార్తలు
  2. బిజినెస్
  3. వార్తలు
  4. Subsidised Onions At Rs.35/Kg In Vijayawada

ఉల్లికి రాయితీ.. రైతు బజార్లలో రూ.32 చొప్పున రాయితీ

Onions
Onions
ఇటీవల పెరిగిన ఉల్లిపాయల ధరలను అదుపులోకి తెచ్చేందుకు, విజయవాడలోని అన్ని రైతు బజార్ల ద్వారా కిలో రూ.35 చొప్పున రాయితీ ధరపై ఉల్లిపాయలను విక్రయించాలని రాష్ట్ర ప్రభుత్వం నిర్ణయించింది. ఈ కార్యక్రమాన్ని మొదట విజయవాడలోని అన్ని రైతు బజార్లలో అమలు చేస్తామని వ్యవసాయ శాఖ మంత్రి కింజరాపు అచ్చెన్నాయుడు- పౌర సరఫరాల శాఖ మంత్రి నాదెండ్ల మనోహర్ తెలిపారు. 
 
ఆధార్ లేదా రేషన్ కార్డును చూపించడం ద్వారా, ప్రతి కుటుంబం నెలకు గరిష్టంగా 2 కిలోల ఉల్లిపాయలను కిలో రూ.35 చొప్పున కొనుగోలు చేయవచ్చు. అవసరమైన సరుకుల ధరల పెరుగుదల వల్ల వినియోగదారులపై పడే అదనపు ఆర్థిక భారాన్ని తగ్గించేందుకు ప్రభుత్వం ఎప్పటికప్పుడు మార్కెట్ పరిస్థితులను సమీక్షిస్తూ, తగిన చర్యలు తీసుకుంటోందని మంత్రి తెలిపారు.
 
రాయితీ ధరపై ఉల్లిపాయల విక్రయం ద్వారా వినియోగదారులకు తక్షణ ఉపశమనం కల్పించడమే ఈ చర్య ఉద్దేశమని వారు పేర్కొన్నారు. విజయవాడలో ప్రజల స్పందన, డిమాండ్‌ను బట్టి, ఈ కార్యక్రమాన్ని రాష్ట్రవ్యాప్తంగా ఉన్న రైతు బజార్లకు కూడా విస్తరించే విషయాన్ని ప్రభుత్వం పరిశీలిస్తుందని మంత్రులు చెప్పారు. 
 
ప్రజలు ఈ సదుపాయాన్ని వినియోగించుకోవాలని వారు కోరారు. ఉల్లిపాయల ధరలు పెరుగుతుండటంతో తలెత్తిన ఆందోళనల నేపథ్యంలో ఈ చర్య చేపట్టారు. వంటగదిలో అత్యవసరమైన ఈ సరుకు సామాన్యులకు అందుబాటు ధరలో ఉండేలా చూడటమే దీని లక్ష్యమని మంత్రి తెలిపారు. 
About Writer
సెల్వి
Journalist since 2005. Former contributor at Eenadu & Andhra Jyothi Tamil Nadu Editions. Now in Sub Editor, Webdunia.... మరింత చదవండి
తర్వాతి కథనం
ఐఏఎస్ ఉద్యోగానికి దివ్యా మిట్టల్ రాజీనామా .. రాజకీయాల్లోకి ఎంట్రీ