కరోనావైరస్ రికవరీ ఎన్ని రోజులు? ఎలాంటి స్థితిలో ప్రమాదం? (video)

Publish: Mon, 27 Jul 2020 (23:10 IST) Updated: Tue, 28 Jul 2020 (17:43 IST)

రికవరీ సమయం ఎంతమేరకు అనారోగ్యానికి గురవుతారో దానిపై ఆధారపడి ఉంటుంది. అందుబాటులో ఉన్న గణాంకాల ప్రకారం, తేలికపాటి కేసులకు ప్రారంభం నుండి క్లినికల్ రికవరీ వరకు సగటు సమయం సుమారు 2 వారాలు. తీవ్రమైన లేదా క్లిష్టమైన కేసులకు 3 నుంచి 6 వారాలు పట్టవచ్చు. ప్రపంచవ్యాప్తంగా సోకిన వారిలో 1% మంది ఈ వ్యాధితో మరణిస్తున్నారు.

COVID-19 యొక్క సాధారణ లక్షణాలు జ్వరం, అలసట మరియు పొడి దగ్గు. కొంతమంది రోగులు నొప్పులు, ముక్కు కారడం, గొంతు నొప్పి లేదా విరేచనాలు కూడా అవవచ్చు. ఈ లక్షణాలు సాధారణంగా తేలికపాటివిగా అనిపిస్తాయి. కానీ ఆ తర్వాత క్రమంగా విజృంభిస్తాయి. తీవ్ర అనారోగ్యానికి గురైన వారికి శ్వాస తీసుకోవడంలో ఇబ్బంది ఏర్పడుతుంది.

WHO ప్రకారం, COVID-19 పొందిన ప్రతి 6 మందిలో ఒకరు తీవ్రంగా అనారోగ్యానికి గురవుతారు. శ్వాస తీసుకోవడంలో ఇబ్బంది పడతారు. అటువంటప్పుడు, రోగిని ఆసుపత్రిలో చేర్పించాల్సిన అవసరం ఉంది. కానీ తేలికపాటి COVID లక్షణాలతో చాలామంది.. అంటే సుమారు సుమారు 80% ప్రత్యేక చికిత్స అవసరం లేకుండా వ్యాధి నుండి కోలుకుంటారు. వ్యాధి యొక్క తేలికపాటి లక్షణాలు ఉన్నవారికి ఇంట్లో 14 రోజులు హోంక్వారెంటైన్లో వుండాల్సి వుంటుంది.