1. వార్తలు
  2. తెలుగు వార్తలు
  3. క్రైం న్యూస్
  4. Odisha: Four minors attack catering staff for not serving mutton curry at wedding feast

విందులో మాంసం వడ్డించలేదని కేటరింగ్ సిబ్బందిపై మైనర్ల దాడి

Mutton Piece
ఒరిస్సా రాష్ట్రంలో దారుణ ఘటన ఒకటి జరిగింది. వివాహ వేడుక విందు భోజనంలో మాంసం వడ్డించలేదన్న అక్కసుతో కేటరింగ్ సిబ్బందిపై దాడి జరిగింది. నలుగురు యువకులు పదునైన కత్తులతో ఈ దాడికి పాల్పడ్డారు. తాజాగా వెలుగులోకి వచ్చిన ఈ వివరాలను పరిశీలిస్తే, 
 
ఒడిశాలోని బాలేశ్వర్‌ జిల్లా రెమునా పోలీస్‌ స్టేషన్‌ పరిధిలో జరిగిన ఓ వివాహ విందులో మేక మాంసం వడ్డించలేదన్న కోపంతో కేటరింగ్‌ సిబ్బందిపై నలుగురు మైనర్లు పదునైన ఆయుధంతో దాడి చేశారు. మాంసానికి బదులుగా చికెన్‌ వడ్డించడంతో కోపోద్రిక్తులైన బాలురు కేటరింగ్‌ సిబ్బందిలో ఒకరిని తీవ్రంగా గాయపరిచారు. 
 
అతడి పరిస్థితి విషమంగా ఉండటంతో కటక్‌లోని వైద్య కళాశాల ఆసుపత్రికి తరలించారు. కేసు నమోదు చేసి, 16, 17 సంవత్సరాల నడుమ వయసున్న నిందితులు నలుగురినీ అంగుల్‌ జువైనల్‌ హోంకు తరలించినట్లు పోలీసులు ఆదివారం వెల్లడించారు. కేసు దర్యాప్తు చేస్తున్నారు.
 
About Writer
ఠాగూర్
ఠాగూర్ పులపాక ప్రముఖ దినపత్రిక ఈనాడు, చెన్నై కార్యాలయంలో 'న్యూస్ కాంట్రిబ్యూటర్‌'గా జర్నలిజం ఓనమాలు నేర్చుకున్నారు. హైదరాబాద్ కార్యాలయంలో 'ఆంధ్రజ్యోతి' సబ్-ఎడిటర్ పని చేశారు. 2007 నుంచి 'వెబ్ దునియా'లో అసిస్టెంట్ ఎడిటర్‌‌గా విధులు నిర్వహిస్తున్నారు..... మరింత చదవండి
తర్వాతి కథనం
వైకాపా నేతలపై తాడేపల్లి పోలీస్ స్టేషనులో అట్రాసిటీ కేసులు