బలవంతమైన సర్పము వందలాది పురుగుల చేత చిక్కితే?
బలవంతమైన సర్పము చలి చీమల చేత చిక్కితే అంతే సంగతులు. ఇదే తరహాలో ఓ కొండ చిలువ పురుగుల చేత చిక్కుకుంది. ఆస్ట్రేలియాలో ఒళ్లంతా వందలాది పురుగులతో కూడిన కొండ చిలువను అటవీ శాఖాధికారులు కనుగొన్నారు. వివరాల్లోకి వెళితే.. క్వీన్స్‌లాండ్‌లోకి ఓ ఇంటి వెనుక గల స్విమ్మింగ్ పూల్‌లో ఒళ్లంతా వందలాది పురుగులతో కూడిన కొండ చిలువను కనుగొన్నారు.
పురుగులు ఒళ్లంతా నిండివుండటంతో పాము అనారోగ్యానికి గురైంది. ఈ పామును కనుగొన్న అటవీ శాఖాధికారులు ఆస్పత్రికి తరలించి చికిత్స అందిస్తున్నారు. ఆస్పత్రిలో చికిత్స అందించిన వైద్యులు.. ఆ పాము శరీరం నుంచి 500 పురుగులను తొలగించారు.
ప్రస్తుతం కొండ చిలువ ఆరోగ్యం నిలకడగా వుందని వైద్యులు తెలిపారు. పురుగులు అలా శరీరంపై వుండిపోవడం ద్వారా ఆ పాము నరకయాతన అనుభవించిందని.. వైద్యులు తెలిపారు. దీనికి సంబంధించిన ఫోటోలు ప్రస్తుతం నెట్టింట్లో షేర్ అవుతున్నాయి.
