శుక్రవారం, 29 మార్చి 2024
  1. క్రీడలు
  2. క్రికెట్
  3. ఐపీఎల్ 2019
Written By
Last Modified: శనివారం, 30 మార్చి 2019 (19:59 IST)

రాహుల్ చెత్త రేగ్గొట్టాడుగా... మట్టికరిచిన ముంబై ఇండియన్స్...

అనుకున్నదే జరిగింది. ముంబై ఇండియన్స్ మరోసారి పరాజయం చవిచూసింది. శనివారం నాడు చంఢీగర్‌లో జరిగిన ఐపీఎల్ 2019 పోటీల్లో భాగంగా ముంబై ఇండియన్స్-కింగ్స్ లెవన్ పంజాబ్ జట్ల మధ్య ఐపీఎల్ 9వ మ్యాచ్ జరిగింది. ఈ మ్యాచ్‌లో కింగ్స్ లెవన్ మరో 8 బంతులు మిగిలి వుండగానే 8 వికెట్లు కోల్పోయి ముంబై ఇండియన్స్ పైన ఘన విజయం సాధించింది. 
 
177 పరుగుల విజయ లక్ష్యంతో బరిలో దిగిన కింగ్స్ లెవన్ ఆది నుంచే దూకుడుగా ఆడింది. ఇక్కడ విశేషం ఏంటంటే... ఓపెనర్‌గా దిగిన రాహుల్ 57 బంతుల్లో 4 ఫోర్లు, ఒక సిక్సర్ సాయంతో 71 పరుగులు చేసి నాటవుట్‌గా నిలవడం.

గేల్ కూడా ముంబై ఇండియన్స్ బౌలర్లను అల్లాడించేశాడు. 24 బంతుల్లో 3 ఫోర్లు 4 సిక్సర్లు ఉతికి 40 పరుగులు చేశాడు. ఆ తర్వాత అగర్వాల్ కూడా అదే దూకుడు సాగిస్తూ 4 ఫోర్లు, 2 సిక్సర్లతో 43 పరుగులు చేశాడు. మిల్లర్ 14 పరుగులతో నాటవుట్‌గా నిలిచాడు. కేవలం నలుగురంటే నలుగురు ఆటగాళ్లు కింగ్స్ లెవన్ జట్టుకు విజయం సాధించిపెట్టేశారు.