ఫోన్ 2ను విడుదల చేసిన నథింగ్
అత్యంత ఆసక్తిగా ఎదురుచూస్తున్న తమ రెండవతరం ప్రధాన స్మార్ట్‌ఫోన్ తమ ఫోన్ 2ను విడుదల చేసినట్లు నథింగ్ ఈ రోజు వెల్లడించింది. స్మార్ట్‌ఫోన్ వినియోగాన్ని మరింత శ్రద్ధగా ఉండేలా చేస్తూ ఈ ఫోన్ 2 రూపొందించారు, ఫోన్ 2 వెనుక భాగంలో కొత్త గ్లిఫ్ ఇంటర్‌ఫేస్‌ను పరిచయం చేశారు. వినియోగదారులకు కీలక సమాచారాన్ని క్షణాల్లో తెలుసుకునే అవకాశం అందించటం ద్వారా స్క్రీన్ ను ఎక్కువగా చూడటం తగ్గించడానికి వీలు కల్పిస్తుంది. ఇది పునరుద్దరించబడిన నథింగ్ OS 2.0ని కూడా కలిగి ఉంది.
ఇది వినియోగం మెరుగుపరిచే రీతిలో మలచబడటంతో పాటుగా అవాంతరాలను తగ్గించడానికి రూపొందించబడింది. అదే సమయంలో నథింగ్ యొక్క ప్రత్యేకమైన సౌందర్యాన్ని ప్రతిబింబిస్తూనే వేగవంతమైన, మృదువైన అనుభవాన్ని అందిస్తుంది. టాప్-ఆఫ్-ది-లైన్ Snapdragon 8+ Gen 1 మొబైల్ ప్లాట్‌ఫారమ్ ఆధారితమైన ఫోన్ (2) ఇప్పటివరకు, నథింగ్ యొక్క అత్యంత ప్రీమియం స్మార్ట్‌ఫోన్ అనుభవాన్ని అందిస్తుంది. దీనిలో జీవితపు తరహా ఫోటోగ్రఫీ కోసం అధునాతన అల్గారిథమ్‌లతో శక్తివంతమైన 50MP డ్యూయల్ వెనుక కెమెరా ఉంది. LTPOతో అద్భుతమైన 6.7-అంగుళాల OLED డిస్ప్లే సైతం దీనిలో వుంది.
"ఫోన్ (2)తో, మేము హార్డ్‌వేర్ మరియు సాఫ్ట్‌వేర్ డిజైన్ ఆవిష్కరణల ద్వారా మరింత ఉద్దేశపూర్వక స్మార్ట్‌ఫోన్ వినియోగాన్ని ప్రోత్సహిస్తూ అత్యున్నత శ్రేణి ఫీచర్లను అందజేస్తాము" అని నథింగ్ సీఈఓ, సహ వ్యవస్థాపకుడు కార్ల్ పీ అన్నారు. "స్మార్ట్‌ఫోన్ అనేది మన జీవితాల్లో ఒక ముఖ్యమైన సాధనం, కానీ అది మన ఉనికిని తక్కువ చేస్తూ, సృజనరహితంగా చేసే ఒక కలవరపరిచే శక్తిగా మారింది" అని అన్నారు.
