రష్యాకు షాక్: యూట్యూబ్, గూగుల్ ప్లే సేవలు బంద్
అగ్రరాజ్యం అమెరికా సహా నాటో, ఈయూ దేశాలు సహా పలు వాణిజ్య సంస్థలు కూడా రష్యాపై ఆంక్షలు విధించాయి. తాజాగా ఈ జాబితాలోకి యూట్యూబ్, గూగుల్ ప్లేలు కూడా చేరిపోయాయి.
ఈ రెండు సంస్థ‌ల‌కు చెందిన అన్నిచెల్లింపుల సేవ‌ల‌ను ర‌ష్యాలో నిలిపివేస్తున్న‌ట్లుగా ఈ సంస్థ‌ల మాతృ సంస్థ ఆల్ఫాబెట్ గురువారం ఓ సంచ‌ల‌న ప్ర‌క‌ట‌న విడుదల చేసింది.
వాస్త‌వానికి ఇదివ‌ర‌కే యూట్యూబ్‌తో పాటు గూగుల్ కూడా ర‌ష్యా వాణిజ్య ప్ర‌క‌ట‌న‌ల‌ను త‌మ వేదిక‌పై నిషేధించిన సంగ‌తి తెలిసిందే. తాజాగా చెల్లింపుల‌తో కూడిన తన సేవ‌ల‌న్నింటినీ కూడా ర‌ష్యాలో నిలిపివేస్తున్న‌ట్లుగా యూట్యూబ్, గూగుల్ ప్లే తెలిపాయి.
ఈ నిర్ణ‌యంతో రష్యాకు చెందిన వినియోగ‌దారుల‌కు యూట్యూబ్ ప్రీమియ‌మ్‌, ఛానెల్ మెంబ‌ర్ షిప్‌, సూప‌ర్ ఛాట్‌, మ‌ర్కెండైజ్ సేవలు అంద‌వు.
