గిఫ్ట్ ఏ స్మైల్‌కు యాంకర్ ప్రదీప్ విత‌ర‌ణ
మంత్రి కేటీఆర్ జన్మదినం సందర్భంగా గిఫ్ట్ ఏ స్మైల్ కార్యక్రమంలో భాగంగా వికలాంగుల కోసం చేపట్టిన వాహనాల పంపిణీకి ప్రముఖ యాంకర్ ప్రదీప్, అతని స్నేహితులు ముందుకు వచ్చారు. వీరు ఈ సందర్భంగా మంత్రి కేటీఆర్ని కలిసి, ఎస్.వీ ప్రొడక్షన్స్ ద్వారా ఎస్.వీ వెంకట బాబు తమవంతు సాయంగా 15 లక్షల రూపాయ‌లు అందించారు.
అలాగే త్రివేణి హెచ్.డీ.పీ.ఈ పైప్స్ సంస్థ తరుపున పి.మురళీకృష్ణ, శ్రీనివాస్ లు మరో 4 లక్షల అందజేశారు. ఈ మొత్తాన్ని వికలాంగులకు అందిస్తున్న ప్రత్యేక వాహనాల కొనుగోలుకు ఉపయోగించాలని మంత్రి కేటీఆర్‌ను కోరారు.
తాము ఈ విధంగా గిఫ్ట్ ఏ స్మైల్ కార్యక్రమంలో భాగస్వాములు అవుతున్నందుకు సంతోషంగా ఉందని యాంకర్ ప్రదీప్ తెలిపారు. వికలాంగులకు చేయూత నిచ్చేందుకు ముందుకు వచ్చిన యాంకర్ ప్రదీప్, త‌న స్నేహితులను ఈ సందర్భంగా మంత్రి కేటీఆర్ అభినందించారు. వారితో త‌న ఛాంబ‌ర్లో ప్ర‌త్యేకంగా స‌మావేశమై, వారిచ్చిన చెక్కుల‌ను స్వీక‌రించారు.
