చైల్డ్ పోర్నోగ్రఫీ సెర్చ్ చేసిన ఇద్దరు వ్యక్తుల అరెస్ట్
ఇంటర్నెట్లో చైల్డ్ పోర్నోగ్రఫీ సెర్చ్ చేసి ఫోటోలు, వీడియోలను అప్లోడ్ చేసిన ఇద్దరు వ్యక్తులను హైదరాబాద్ సైబర్ క్రైమ్ పోలీసులు అరెస్ట్ చేశారు. భారతదేశంతో పాటు ప్రపంచ వ్యాప్తంగా చైల్డ్ పోర్నోగ్రఫీ నిషేధం ఉన్న సంగతి తెలసిందే.
ఇంటర్నెట్లో ఎవరు సెర్చ్ చేసినా ఫోటోలు వీడియోలు అప్లోడ్ చేసినా వారి వివరాలు అన్ని నేషనల్ క్రైమ్ రికార్డ్ బ్యూరోలో రికార్డ్ అవుతాయి జాగ్రత్త అని హెచ్చరిస్తున్నారు హైదరాబాద్ పోలీసులు.
2020 సంవత్సరంలో ఫోర్న్ సెర్చ్ చేసిన తెలంగాణ రాష్ట్రానికి చెందిన 15 మంది వివరాలను తెలంగాణ సిఐడి విభాగానికి ఎన్‌సి‌ఆర్‌బి అధికారులు పంపించారు. ఈ 15 మందిలో హైదరాబాద్‌కి చెందిన ఇద్దరు వ్యక్తుల వివరాలను హైదరాబాద్ పోలీసులకు ఇవ్వగా, మరో 13 మంది వివరాలను ఆయా జిల్లాల పోలీసులకు సీఐడీ అధికారులు పంపించారు.
ఇక 2019 సంవత్సరంలో సెర్చ్ చేసిన తార్నాకకు చెందిన మహమ్మద్ ఫెరోజ్, కాచిగూడకి చెందిన ప్రశాంత్ కుమార్ అరెస్ట్ చేసి రిమాండ్‌కు తరలించారు సైబర్ క్రైమ్ పోలీసులు. నిషేధిత చైల్డ్ పోర్నోగ్రఫీని ఎవరు సెర్చ్ చేసినా వారిపై కఠిన చర్యలు తీసుకుంటామని సైబర్ క్రైమ్ పోలీసుల హెచ్చరికలు జారీ చేశారు.
