1. వార్తలు
  2. తెలుగు వార్తలు
  3. తెలంగాణ
  4. TS Minister Harish Rao Clears Up Rumors on Leaving TRS Party

నా పుట్టుక తెరాసలోనే.. నా చావు కూడా తెరాసలోనే : మంత్రి హరీష్ రావు

పార్టీ మారుతున్నట్టు సాగుతున్న దుష్ప్రచారంపై తెలంగాణ రాష్ట్ర మంత్రి హరీష్ రావు స్పందించారు. తన పుట్టుక తెరాసలోనే.. తన చావు కూడా తెరాసలోనే అంటూ పునరుద్ఘాటించారు. దేశంలో మూడో ప్రత్యామ్నాయం కావాలంటూ, దాన

Harish Rao
పార్టీ మారుతున్నట్టు సాగుతున్న దుష్ప్రచారంపై తెలంగాణ రాష్ట్ర మంత్రి హరీష్ రావు స్పందించారు. తన పుట్టుక తెరాసలోనే.. తన చావు కూడా తెరాసలోనే అంటూ పునరుద్ఘాటించారు. దేశంలో మూడో ప్రత్యామ్నాయం కావాలంటూ, దానికి తనవంతు కృషి చేస్తానంటూ తెలంగాణ రాష్ట్ర ముఖ్యమంత్రి కేసీఆర్ ఓ ప్రకటన చేశారు. 
 
ఈ దిశగా ఆయన అడుగులు కూడా వేస్తున్నారు. దీంతో ఆయన స్థానంలో తెలంగాణ రాష్ట్ర ముఖ్యమంత్రిగా కేటీఆర్ నియమితులవుతారన్న ఊహాగానాలు వచ్చాయి. దీన్ని జీర్ణించుకోలేని కేసీఆర్ మేనల్లుడు టి హరీష్ రావు.. బీజేపీలో చేరబోతున్నట్టు వార్తలు వచ్చాయి. వీటిపై హరీష్ రావు స్పందించారు. 
 
తాను తెరాసను వీడే ప్రసక్తే లేదన్నారు. నేను పుట్టింది తెరాసలో.. నా చావు కూడా తెరాసలోనే అంటూ స్పష్టం చేశారు. అంతేకాకుండా, సోషల్ మీడియాలో ఇలాంటి తప్పుడు వార్తలు రాసే వారిని గుర్తించి కఠిన చర్యలు తీసుకోవాలని డీజీపీ మహేందర్ రెడ్డికి కూడా ఫిర్యాదు చేసినట్టు హరీష్ రావు మీడియాకు వెల్లడించారు. 
About Writer
pnr
ఠాగూర్ పులపాక ప్రముఖ దినపత్రిక ఈనాడు, చెన్నై కార్యాలయంలో 'న్యూస్ కాంట్రిబ్యూటర్‌'గా జర్నలిజం ఓనమాలు నేర్చుకున్నారు. హైదరాబాద్ కార్యాలయంలో 'ఆంధ్రజ్యోతి' సబ్-ఎడిటర్ పని చేశారు. 2007 నుంచి 'వెబ్ దునియా'లో అసిస్టెంట్ ఎడిటర్‌‌గా విధులు నిర్వహిస్తున్నారు..... మరింత చదవండి
తర్వాతి కథనం
పాకిస్థాన్‌ను ''స్పెషల్ టెర్రరిస్ట్ జోన్‌''గా పిలిచిన భారత్... ఎక్కడ?