నాకూ డోనాల్డ్ ట్రంప్‌కు అఫైర్ ఉందా : నిక్కీహేలీ ఏమంటున్నారు?
అమెరికా అధ్యక్షుడు డోనాల్డ్ ట్రంప్‌కు, ఐక్యరాజ్యసమితిలో అమెరికా రాయబారి నిక్కీహేలీకి అఫైర్ ఉన్నట్టు వార్తలు గుప్పుమంటున్నాయి. ఈ వార్తలపై హేలీ స్పందించారు. ట్రంప్‌తో అఫైర్ అని వ్యాఖ్యలు చేయడం చాలా అస
అమెరికా అధ్యక్షుడు డోనాల్డ్ ట్రంప్‌కు, ఐక్యరాజ్యసమితిలో అమెరికా రాయబారి నిక్కీహేలీకి అఫైర్ ఉన్నట్టు వార్తలు గుప్పుమంటున్నాయి. ఈ వార్తలపై హేలీ స్పందించారు. ట్రంప్‌తో అఫైర్ అని వ్యాఖ్యలు చేయడం చాలా అసహ్యంగా ఉందన్నారు.
మైకేల్‌ ఊల్ఫ్‌ రాసిన ‘ఫైర్‌ అండ్‌ ఫ్యూరీ’ పుస్తకంలో ట్రంప్‌తో నిక్కీకి అఫైర్ ఉందని రాయడంతో ఈ వదంతులు వ్యాపించాయి. ట్రంప్‌తో ప్రెసిడెన్షియల్‌ విమానంలో, ఓవల్‌ కార్యాలయంలో నిక్కీ చాలా సేపు ఒంటరిగా గడిపారని ఊల్ఫ్‌ పుస్తకంలో రాశారు. ఇది పూర్తిగా అబద్ధమని, చాలా అసహ్యంగా, అసభ్యంగా రాశారని నిక్కీ ఆగ్రహం వ్యక్తంచేశారు.
ఎయిర్‌ఫోర్స్‌ వన్‌లో తాను ఉన్నప్పుడు అక్కడ చాలా మంది ఉన్నారని తెలిపారు. అలాగే ఓవల్‌ కార్యాలయంలో కూడా ట్రంప్‌తో తన రాజకీయ భవిష్యత్తు గురించే మాట్లాడానని, ఎప్పుడూ వ్యక్తిగత విషయాలు మాట్లాడలేదని, అలాగే తాను ఎప్పుడూ అధ్యక్షుడితో ఒంటరిగా లేనని స్పష్టంచేశారు.
ఎక్కువ శాతం మంది పురుషులు మహిళల్ని గౌరవిస్తున్నారు.. కొంతమందే ఇలాంటి వ్యాఖ్యలు చేస్తుంటారని హేలీ అన్నారు. బలమైన వ్యక్తిత్వమున్న మహిళలను హేళన చేయడం అంత సులువు కాదని పేర్కొన్నారు.
