ఫ్లాట్ బెల్లీ కోసం అష్టకష్టాలు పడ్డాను.. చివరికి పొట్ట కింది కొవ్వు వుంటే మంచిది గ్రహించాను

Written By: సెల్వి

Updated: Tue, 2 Jun 2026 (10:54 IST)

Tapsee

నటి తాప్సీ పన్ను, ఫ్లాట్ బెల్లీ సాధించాలనే తన గత వ్యామోహం గురించి మనసు విప్పి మాట్లాడారు. దాన్ని సాధనలో తాను తనను తాను చాలా హింసించుకున్నానని ఆమె అంగీకరించారు. ఇన్‌స్టాగ్రామ్‌లో తాప్సీ పంచుకున్న వివరాల ప్రకారం, ఒకప్పుడు ఫ్లాట్ బెల్లీతో పాటు సౌందర్యం కోసం తాను విపరీతంగా కష్టపడ్డానని తెలిపింది. 

అయితే, కాలక్రమేణా, పొట్ట కింది భాగంలో కొద్దిగా కొవ్వు ఉండటం పూర్తిగా సాధారణమైన, ఆరోగ్యకరమైన విషయం అని గమనించానని తెలిపింది. ఈ పోస్ట్ చాలా మంది మహిళలను కదిలించింది. తాను ఇప్పుడు తన సహజ శరీరాకృతిని అంగీకరించానని, ఇకపై అవాస్తవ ప్రమాణాల వెంట పడటం లేదని తాప్సీ చెప్పింది. 

ప్రస్తుతం ముంబై- డెన్మార్క్‌ల మధ్య తాప్సీ తన సమయాన్ని గడుపుతోంది. ఆమె తన భర్త, మాజీ బ్యాడ్మింటన్ క్రీడాకారుడైన మథియాస్ బోతో కలిసి డెన్మార్క్‌లో నివసిస్తోంది. ఆమె ఒకప్పుడు పలు తెలుగు చిత్రాలలో కథానాయికగా నటించినప్పటికీ, ఇటీవలి సంవత్సరాలలో ఏ తెలుగు ప్రాజెక్టులకు సంతకం చేయలేదు.