మోదుగ చెట్టును ఇంట్లో నాటవచ్చా...?
మోదుగ చెట్టు వేసవి కాలంలో ఆకులన్నీ రాలిపోయి బోసిపోయి ఉంటుంది. కానీ చెట్టుపై ఒక్క ఆకు లేకున్నా పూలు మాత్రం విరగబూసి కనువిందు చేస్తాయి. వీటినే మోదుగ పూలు అని, అగ్ని పూలు అని పిలుస్తారు. ఈ పువ్వులు శివుడికి ఇష్టమైన పువ్వులని చెప్తారు.
ముఖ్యంగా శివారాధనకు ఈ పూలనే ఉపయోగిస్తారు. వీటిలో ఔషధ గుణాలెన్నో వున్నాయి. ఔషధాల్లో కూడా ఉపయోగిస్తారు. ఈ పూలను ఉడకబెట్టి వీటితో రంగులను కూడా తయారు చేస్తారు. ఆదిలాబాద్ జిల్లాలోని గిరిజనులు సహజసిద్ధంగా ఈ మోదుగ పూలతో తయారు చేసిన రంగులతోనే హోళి ఆడతారు. ఇవే పూలను ఆరబెట్టి పౌడర్‌గా కూడా మార్చి రంగులను తయారు చేస్తారు. ఈ మోదుగ పూలతో వాస్తు దోషాలను కూడా తొలగించుకోవచ్చు.
అప్పుల ఊబిలో కూరుకుపోయి.. అనేక కష్టాలు పడుతున్నవారు.. ఆర్థికంగా పైకి రావాలి అనుకునేవారు.. ఐదు మోదుగ చెట్లను నాటితే చాలా మంచిది. ఈ చెట్లను నాటడం వల్ల సంక్షోభం నుంచి బయట పడొచ్చు. ఈ చెట్లు నాటితే కనక వర్షం కురుస్తుందని చెప్తారు.
వీటిని ఎట్టి పరిస్థితుల్లో కూడా ఇంట్లో కానీ ఇంటి చుట్టు పక్కల కానీ నాటకూడదు. బయట ప్రదేశాల్లో లేదంటే పొలం గట్ల మీద అయినా నాటవచ్చు. ఈ చెట్లను నాటడం వల్ల 10 రెట్లు అధికంగా పుణ్యాన్ని పొందుతాయని నమ్ముతారు.
