సైకో జగన్వి డైవర్షన్ పాలిటిక్స్ : మంత్రి అచ్చెన్నాయుడు ధ్వజం
వైకాపా అధినేత జగన్మోహన్ రెడ్డిపై ఏపీ రాష్ట్ర మంత్రి అచ్చెన్నాయుడు తీవ్ర స్థాయిలో ధ్వజమెత్తారు. సైకో జగన్వి డైవర్షన్ పాలిటిక్స్ అని ఆరోపించారు. అందుకే మెగా డీఎస్సీపై పదేపదే అసత్య ఆరోపణలు చేస్తున్నారని ఆరోపించారు. ఇదే అంశంపై మంత్రి అచ్చెన్నాయుడు మాట్లాడుతూ, డీఎస్సీపై మంత్రి నారా లోకేశ్ విసిరిన సవాల్ను జగన్ స్వీకరించి చర్చకు రావాలని డిమాండ్ చేశారు.
వాస్తవాలు, ఆధారాలతో ఆయన ఆరోపణలను తిప్పికొడతామన్నారు. డైవర్షన్ రాజకీయాల కోసమే డీఎస్సీపై జగన్ అసత్యాలు మాట్లాడుతున్నారని విమర్శించారు. రొయ్యల ఫీడ్ ధరలు వైకాపా హయాంలో ఎంత మేరకు పెరిగాయనే అంశంపైనా చర్చకు తాను సిద్ధమన్నారు. మంత్రి అనితను రాజకీయంగా ఎదుర్కోలేకే వైకాపా నాటకాలాడుతోందన్నారు. వెన్నుపోటుకు కర్త, కర్మ, క్రియ జగనేనని విమర్శించారు.
'వాస్తవాలు, ఆధారాలతో జగన్ ప్రతి అసత్య ఆరోపణనూ సమర్థంగా తిప్పికొడతాం. రొయ్యల ఫీడ్ కంపెనీలను కులం ఆపాదించడం సిగ్గుచేటు. తమ ఇంట్లోనూ మహిళలు ఉన్నారనే విజ్ఞత మరిచి గొడ్డలి పార్టీ నేతలు మాట్లాడుతున్నారు. తండ్రి అధికారాన్ని అడ్డుపెట్టుకుని రాష్ట్రానికి.. తండ్రి శవాన్ని పక్కన పెట్టుకుని పదవి కోసం కాంగ్రెస్ పార్టీకి.. ఆస్తి కోసం తల్లి, చెల్లికి కూడా వెన్నుపోటు పొడిచారు. మద్య నిషేధం సహా అన్ని హామీలు విస్మరించిన జగన్కు కూటమి మ్యానిఫెస్టో గురించి మాట్లాడే నైతిక అర్హత లేదు. పన్నిన కుట్రలు సాగకపోవడంతో కులాల మధ్య గొడవలు పెట్టేందుకు సిద్ధమయ్యారు అని అచ్చెన్నాయుడు ఆగ్రహం వ్యక్తం చేశారు.

