ఏపీలో వాలంటీర్ల ఓవరాక్షన్.. మైనర్ బాలికపై గ్రామ వాలంటీర్ అఘాయిత్యం

victim girl
victim girl
సెల్వి| Last Updated: శుక్రవారం, 3 జులై 2020 (14:59 IST)
ఏపీలో వాలంటీర్లు ఓవరాక్షన్ చేస్తున్నారు. కొందరు ప్రభుత్వం ఇస్తున్న జీతాలు చాలక చోరీలకు పాల్పడుతున్నారు. ప్రజల కోసం నియమించబడిన గ్రామ వాలంటీర్లు అకృత్యాలకు పాల్పడుతున్నారు. తమ వద్దకు వచ్చిన ప్రజల అవసరాలను సాకుగా వారిపై వేధింపులకు గురిచేస్తున్నారు. తాజాగా ఆంధ్రప్రదేశ్‌లో ఓ వాలంటీర్ ఓ మైనర్ బాలికపై అత్యాచారానికి పాల్పడ్డాడు. ఈ ఘటన తిరుపతిలోని పుంగనూరు మండలం గూడూరుపల్లెలో చోటు చేసుకుంది.

వివరాల్లోకి వెళితే.. తిరుపతిలోని పుంగనూరు మండలం గూడూరుపల్లెకు చెందిన గ్రామ వాలంటీర్ నరేశ్ అదే ఊరికి చెందిన ఓ మైనర్ బాలికపై అత్యాచారానికి ఒడిగట్టిన ఘటన స్థానికంగా కలకలం రేపింది. అదే గ్రామానికి చెందిన 9వ తరగతి విద్యార్థిని స్నానం చేసి ఇంటిలోకి వెళ్తుండగా అటకాయించిన వాలంటీర్ ఈ అఘాయిత్యానికి పాల్పడ్డాడు.

అయితే సంఘటన జరిగిన రెండు రోజులు తర్వాత బాధితురాలి తల్లిదండ్రులు శుక్రవారం పోలీసులకు ఫిర్యాదు చేశారు. పోలీసులు ఫిర్యాదుకు 2రోజుల ముందే నరేష్‌పై కేసు కానివ్వకుండా కాపాడే ప్రయత్నం చేశారు.. ఆ గ్రామం వైసీపీ నాయకులు. పంచాయితీ పెట్టి విషయాన్ని పరిష్కరించేందుకు ప్రయత్నించారు.



దీనిపై మరింత చదవండి :