ఆంధ్రప్రదేశ్లో ఉరుములతో కూడిన భారీ వర్షాలు.. ఆ ఆరు జిల్లాల్లో పాఠశాలలకు సెలవు
Rainfall
అలాగే వాయవ్య బంగాళాఖాతంలో ఏర్పడిన వాయుగుండం తీవ్ర తుపానుగా బలపడటంతో, ఉత్తరాంధ్రలోని ఆరు జిల్లాల్లో ప్రభుత్వం విద్యాసంస్థలకు బుధవారం సెలవు ప్రకటించింది. మంత్రి నారా లోకేశ్ ఈ మేరకు ఒక అధికారిక ప్రకటన విడుదల చేశారు. వాతావరణ శాఖ హెచ్చరికల నేపథ్యంలో విద్యార్థుల భద్రతను దృష్టిలో ఉంచుకుని జిల్లా యంత్రాంగాలు ఈ నిర్ణయం తీసుకున్నట్లు ఆయన వెల్లడించారు. ఈ ప్రభావంతో అల్లూరి సీతారామరాజు (ఏఎస్ఆర్), పార్వతీపురం మన్యం, విజయనగరం, శ్రీకాకుళం, విశాఖపట్నం, అనకాపల్లి జిల్లాలపై తీవ్ర ప్రభావం చూపనుంది. దీంతో ఈ జిల్లాలకు పాఠశాలలకు సెలవు ప్రకటించారు.
