ఎస్.బి.ఐలో 1031 పోస్టుల భర్తీకి నోటిఫికేషన్
ప్రభుత్వ రంగ బ్యాంకింగ్ సంస్థ భారతీయ స్టేట్ బ్యాంకులో 1031 పోస్టుల భర్తీ కోసం నోటిఫికేషన్ జారీ చేశారు. ఇందులో చానల్ మేనేజర్ ఫెసిలేటర్, చానల్ మేనేజర్ సూపర్ వైజర్, సపోర్టు ఉద్యోగాలు ఉన్నాయి. అయితే, ఈ పోస్టులకు రిటైర్డ్ ఉద్యోగులు కూడా దరఖాస్తు చేసుకోవచ్చు. రిటైర్డ్ ఉద్యోగులను కాంట్రాక్ట్ విధానంలో ఎస్.బి.ఐ నియామకం చేపట్టనుంది. గతంలో బ్యాంకుల్లో పని చేసిన అనుభవం ఉన్న వారు ఈ పోస్టులకు దరఖాస్తు చేసుకోవచ్చని నోటిఫికేషన్‌లో పేర్కొంది. దరఖాస్తుల స్వీకరణకు ఏప్రిల్ 30వ తేదీన చివరి తేదీగా ఖరారు చేసింది.
ఈ పోస్టులకు దరఖాస్తు చేసుకునేవారి వయసు 60యేళ్ళు, గరిష్టంగా 63 యేళ్లకు మించకూడదు. రిజర్వేషన్లకు లోబడి వయసులో సడలింపు ఉంటుంది. దేశఁలో ఏ శాఖలో ఉద్యోగం కేటాయించినప్పటికీ అక్కడికి వెళ్లి పని చేయాల్సి ఉంటుంది. ఏటీఎం ఆపరేషన్స్‌లో అనుభవం కలిగిన వారికి అధిక ప్రాధాన్యత ఇస్తారు. ఈ పోస్టుల భర్తీని ఇంటర్వ్యూల ద్వారా చేపడుతారు. ఎంపికైన వారికి పోస్టులకు తగిన విధంగా రూ.36 వేల నుంచి రూ.41 వేల వరకు వేతనం చెల్లిస్తారు.
