వరల్డ్ ఉమెన్స్ డే : నెల్లూరులో బ్రిటన్ మహిళపై అత్యాచారం
అంతర్జాతీయ మహిళా దినోత్సవం రోజున ఆంధ్రప్రదేశ్ రాష్ట్రంలో ఓ మహిళ అత్యాచారానికి గురైంది. నెల్లూరు జిల్లాలోని సైదాపురం పరిధిలో ఈ ఘటన జరిగింది. దీనిపై సమాచారం అందుకున్న పోలీసులు కేసు నమోదు చేసి విచారణ జరుపుతున్నారు.
నెల్లూరు జిల్లాకు సమీపంలోని సైదాపురం సమీపంలోని రూపూరు రోడ్డులో బ్రిటన్ మహిళపై గుర్తు తెలియని వ్యక్తులు ఈ అఘాయిత్యానికి పాల్పడ్డారు. ఈ ఘటనకు సంబంధించి సమాచారం అందుకున్న పోలీసులు వెనువెంటనే కేసు రంగంలోకి దిగి నిందితుల ఆచూకీ కోసం విచారణ జరుపుతున్నారు. అయితే, ఈ ఘటనకు సంబంధించి పూర్తి వివరాలు తెలియాల్సివుంది.
అంతర్జాతీయ మహిళా దినోత్సవ వేడుకలు రాష్ట్ర వ్యాప్తంగా జరుగుతున్న తరుణంలో విదేశీ మహిళపై అత్యాచారం జరగడం స్థానికంగా కలకలం చెలరేగింది. దీంతో పోలీసులు సీరియస్గా తీసుకుని నిందితుల కోసం గాలిస్తున్నారు.
